El senador d'IX, Jesús Iglesias, amosóse güei, a entrugues de los periodistes, dafechu convencíu de la honestidá d'Ángel González y de la so inocencia
El senador d'IX, Jesús Iglesias, amosóse güei, a entrugues de los periodistes, dafechu convencíu de la honestidá d'Ángel González y de la so inocencia, al respective de la imputación por un supuestu delitu de prevaricación alministrativa, demientres la so xestión al mandu de la Viceconseyería de Bienestar Social.
El parllamentariu nun quixo entrar en discutinios y sofitó el pidimientu del coordinador xeneral, Manuel González Orviz, de "máxima prudencia" pa evitar la interferencia nel procesu. "Comparto l'allugamientu racional que fixo'l coordinador de nun faer ruiu fora de la organización, sinón aldericar dientro. En consecuencia hasta'l conseyu políticu del próximu xueves nun voi dicir públicamente nada".
Jesús Iglesias esplicó que nun tien dulda dalguna sobre la inocencia del so compañeru de partíu: "Güei acompañé a Ángel González a declarar porque toi convencíu de la so inocencia. Ye lo único que tengo que dicir, si tuviera dalguna dulda, güei nun taría na semeya: toi seguro de que nun cometió nengún delitu de prevaricación alministrativa nin nengún otru delitu".
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
