IX propón al Gobiernu cuatro grandes midíes: reducir el númberu d'altos cargos; poner fin a los sobrecostos multimillonarios; más tresparencia y control nos grandes proyectos culturales y audiovisuales; y suprimir la propaganda.UVIÉU, 17/08/2008.- Un gobiernu d'izquierdes tien que se caracterizar pola austeridá en tou momento, pero en tiempos de crisis esti principiu ha tresformase en norma d'obligáu cumplimientu.
Asina lo defendió siempres Izquierda Xunida qu'espera que'l Gobiernu asturianu seya valiente y nun se llimite a les pallabres: tien la obligación de tomar decisiones. L'austeridá nun pue llimitase a xestos.
Izquierda Xunida propón al Gobiernu cuatro grandes midíes p'aplicar l'austeridá en tiempos de crisis: reducir el númberu d'altos cargos; poner fin a los sobrecostos multimillonarios; más tresparencia y control nos grandes proyectos culturales y audiovisuales; y suprimir la propaganda.
Unas decisiones que supondríen dexar de falar d'austeridá cola boca pequeña. Izquierda Xunida convida al Presidente del Gobiernu asturianu a aplicar l'austeridá con toles consecuencies. Areces preside un gobiernu sobredimensionáu, con más altos cargos que na anterior llexislatura, non sólo na propia estructura del executivu sinón tamién nel sector públicu asturianu. La primer decisión que debería tomar Areces ye racionalizar la estructura política del so gobiernu y sector públicu, ye necesario poner fin a la proliferación d'altos cargos.
El segundu oxetivu d'Izquierda Xunida d'Asturies ye garantizar mayor nivel d'eficiencia y eficacia nel gastu públicu. Y n'esti ámbitu IX señala un oxetivu relevante: poner fin a lossobrecostos. Nun ye normal que les grandes obres (El Musel, HUCA, La Llaboral…) seyan furacos negros presupuestarios. El dineru de toos tien de ser emplegáu con más control. Namás col sobrecostu de les obres d'El Musel podríemos pagar otru Hospital Central n'Asturies.
El tercer bloque de midíes ta empobináu a garantizar mayor control y tresparencia na xestión de los grandes proyectos culturales y audiovisuales del Gobiernu asturianu. Estos proyectos nun tán teniendo la repercusión efectiva na actividá cultural, social y económica asturiana. Ye necesario garantizar mayor tresparencia ya incrementar la eficiencia na xestión.
Finalmente pa IX garantizar austeridá supón poner fin al derroche de dineru en propaganda y autobombu per parte del Gobiernu. Nun se pue dilapidar dineru públicu en anuncios, carpes, vídios y pincheos nes inauguraciones. Les "fiestes populares" nes que Presidencia convertía los actos públicos d'Areces tienen que llegar al so fin
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies