Menu

Francisco Javier García Valledor, diputáu d'IX-BA-Verdes califica de "comedia" l'alcuentru del lobby incinerador d'esta mañana, que componen el gobiernu rexonal, sectores universitarios conservadores y representantes d'intereses empresariales del campu de la enerxía. Valledor recuerda que los estudios más fiables sobre la incineración fízolos hestóricamente Greenpace y éstos desaconseyen la incineración.

Francisco Javier García Valledor, diputáu d'IX-BA-Verdes califica de "comedia" l'alcuentru del lobby incinerador d'esta mañana, que componen el gobiernu rexonal, sectores universitarios conservadores y representantes d'intereses empresariales del campu de la enerxía. Valledor recuerda que los estudios más fiables sobre la incineración fízolos hestóricamente Greenpace y éstos desaconseyen la incineración.

Equí, n'Asturies, ta intentándose poner penriba los intereses económicos los intereses ciudadanos, asegura'l diputáu d'IX-BA-Verdes, quien tamién considera un "sarcasmu" calificar de fracción restu al 60% de dalgo. "Tovía nun hai nin una sola midida en marcha pal tratamientu selectivu de la materia orgánica; nin una sola midida pal tratamientu de llodos, cuando dambes coses constitúin dos pegollos básicos del Plan de Residuos d'Asturies aprobáu polos socialistes en 2001", asegura.. ¿Pa qué aprueben planes si dempués nun los cumplen?. ¿Porqué nun cumplen nin los sos propios planes?, ¿Porqué se fai'l 31 de xunetu?, ¿Porqué de secute hai priesa p'aprobar agora la maroincineradora?, simplemente porque hai intereses empresariales pa qu'asina seya, diz Valledor.

Per otru llau, el diputáu albidra que n'estos momentos tamos asistiendo al pagu con dineru de tolos ayuntamientos d'estudios parciales encargaos a petición de parte y eso nun yera lo que mandatare la Xunta Xeneral del Principáu.

La Conseyería de Medioambiente nun esplica que la incineradora cuesta 250 millones d'euros ya implica una importantísima suba de tases pa los ciudadanos y que la incineración va facer inservibles los esfuercios de los ciudadanos en reciclaxe. "Ye una monumental tomadura de pelo", piensa'l diputáu d'IX-BA-Verdes. Valledor recuerda que nos presupuestos xenerales d'Asturies de 2008 nun hai nin un solu euru d'apoyu a Cogersa. ¿Cómo se van pagar los 250 millones d'euros que cuesta la macroincineradora?. "Too esto ye pa favorecer llétriques y constructores que busquen zones refuxu onde fuxir de la crisis", piensa'l diputáu.

El coordinador del estudiu fala d'Europa, pero escaez deliberadamente, a xuiciu de Valledor, que n'Europa llégase a niveles de reciclaxe del 70% y la fracción restu ye'l 30%. Ye  cierto qu'hai sociedaes qu'incineran, pero dediquen muchísima inversión al reciclaxe, sobremerna de materia orgánico, cuando equí ye nulo, igual que l'usu del compost qu'equí ye cero. "El gobiernu quier equiparase n'incineración pero non en reciclaxe", asegura Valledor.

Del mesmu mou, ye "impresentable" que se presenten enantes estos estudios a los empresarios qu'a los ayuntamientos, que son quien paguen esti estudiu. Y que tán 'metiendo'l deu nel güeyu' del ayuntamientu de Xixón, gobernáu pol PSOE ya Izquierda Xunida.