Menu

El diputáu d'IX-BA-Verdes sospecha que les conclusiones del estudiu son contraries al banzáu

La tardanza na publicación del Estudiu d'Impacto Ambiental disparó toles alarmes nel Grupu Parllamentariu d'IX-BA-Verdes. Pal diputáu d'IX, Francisco Javier García Valledor "too esto ye un asuntu mui estrañu.

La tardanza na publicación del Estudiu d'Impacto Ambiental disparó toles alarmes nel Grupu Parllamentariu d'IX-BA-Verdes. Pal diputáu d'IX, Francisco Javier García  Valledor "too esto ye un asuntu mui estrañu. L'Estudiu diba ser fechu públicu va meses y diba yá con un añu de retrasu y desapaeció del mapa. Per otra parte, fontes solventes, indíquenmos que foi metíu nun caxón porque les sos conclusiones yeren contraries a lo qu'esperaben na Conseyería de Medioambiente.

Sospechamos qu'agora tán maquillando l'estudiu". El diputáu d'IX-BA-Verdes emplaza a la Conseyera Contra'l Medioambiente a esplicar ¿ónde ta l'estudiu de TECNOMA que foi contratáu en marzu de 2006 por 92.339 euros, pol Ministeriu de Mediu Ambiente, Mediu Rural y Marinu, per un plazu d'ocho meses?. "Vamos facer les xestiones necesaries nel Congresu de los Diputaos pa saber qué ta pasando. Too ye oscurantismo venceyáu a intereses económicos na xestión ambiental d'Asturies.

Tamos énte un equipu contra'l mediu ambiente. Obsesionáu cola construcción del banzáu", afirma García Valledor.

Gaspar Llamazares, diputáu d'IX, realizará les siguientes preguntes per escrito al Ministeriu de Mediu Ambiente, Mediu Rural y Marinu: 1.¿Ta termináu l'Estudiu d'Impactu Ambiental del proyectu de construcción del banzáu de Caliao en Casu, Asturies, contratáu en marzu de 2006 a la empresa TECNOMA en 92.339 € y plazu d'entrega d'ocho meses?. 2.¿La empresa axudicataria del contratu presentó dalgún documentu relativu al Estudiu d'Impactu Ambiental del proyectu de construcción del banzáu de Caliao en Casu, Asturies, contratáu en marzu de 2006 a la empresa TECNOMA en 92.339 € y plazu d'entrega d'ocho meses. ¿Cuándo se recibirá y dará trámite d'información pública al Estudiu d'Impactu Ambiental del proyectu de construcción del  banzáu de Caliao en Casu, Asturies, contratáu en marzu de 2006 a la empresa TECNOMA en 92.339 € y plazu d'entrega d'ocho meses?.