Menu

Francisco Javier García Valledor, diputáu d'IX-BA-Verdes, señala la torpeza de la Conseyera Contra'l Medioambiente pa enmazcarar les sos decisiones. Valledor pregúntase qué significa "avanzar na toma de decisiones".

Francisco Javier García Valledor, diputáu d'IX-BA-Verdes, señala la torpeza de la Conseyera Contra'l Medioambiente pa enmazcarar les sos decisiones. Valledor pregúntase qué significa "avanzar na toma de decisiones". Esta ye la fras más clara cola que Belén Fernández intenta esplicar el puntu 3 del orde del día de la Xunta de Gobiernu de Cogersa del próximu xueves. Lliteralmente diz: "trátase d'avanzar na toma de decisiones nel senu de Cogersa pa la xestión de residuos urbanos y asimilables n'Asturies una vez que yá se punxeron en marcha distintes iniciatives y proyectos previstos nel Plan de Futuru pa llograr unos mayores niveles d'implantación de les 3R".

Énte esti párrafu, que pretendía enmazcarar la decisión a adoptar, nun podemos más que pensar que tamos énte un testu de les "ketchup", conocíes mundialmente pol so cantar "Aserejé". Si d'esta manera pretenden abordar el debate de la incineración n'Asturies, vamos llistos, asegura'l diputáu d'IX-BA-Verdes encargáu de temes medioambientales.

La Conseyera debería saber que les 3R suponen lliteralmente, reciclaxe, reutilización y reducción. ¿Quemándolo too cúmplense dalguna d'estes 3R?, pregúntase García Valledor.

Francisco Javier García Valledor considera llamentable que tolos conceyales y alcaldes d'Asturies, representantes en Cogersa, reciban esta documentación per parte del gobiernu asturianu pa tomar una decisión trescendental pal futuru del medioambiente na

nuesa comunidá autónoma. Dempués de mandar esta nota pue dicise que la Conseyera de Medioambiente llevó a la Conseyería de Medioambiente a un nivel de degradación nunca vistu nos gobiernos del Principáu. Belén Fernández debería recordar que la xente tien un mínimu d'intelixencia y respetalos. Nun se pue tomar a los representantes de los ciudadanos por tontos, conclúi García Valledor.