Menu

El diputáu d'IX-BA-Verdes, Aurelio Martín, denunció güei qu'al gobiernu del Principáu nin lu esmolez nin lu ocupa la reforma de la Política Agraria Común (PAC) que n'estos momentos propón la Comisión Europea. Martín señaló sentise preocupáu porque'l gobiernu asturianu, en minoría, paez tener una actitú "autista" frente a esta reforma que va afectar al yá maltrechu sector ganaderu asturianu. Tamién alvirtió de les contradicciones ente la postura de la Conseyera de Mediu Rural asturianu, Belén Fernández y la posición opuesta que defendió la Ministra d'Agricultura con respectu a les cuotes láctees.

El diputáu d'IX-BA-Verdes, Aurelio Martín, denunció güei qu'al gobiernu del Principáu nin lu esmolez nin lu ocupa la reforma de la Política Agraria Común (PAC) que n'estos momentos propón la Comisión Europea. Martín señaló sentise preocupáu porque'l gobiernu asturianu, en minoría, paez tener una actitú "autista" frente a esta reforma que va afectar al yá maltrechu sector ganaderu asturianu. Tamién alvirtió de les contradicciones ente la postura de la Conseyera de Mediu Rural asturianu, Belén Fernández y la posición opuesta que defendió la Ministra d'Agricultura con respectu a les cuotes láctees.

                 El diputáu demandó al gobiernu asturianu la busca d'aliances pa configurar una posición de defensa del sector agrícola español frente a la desregulación que propón Europa y que esta seya asumida pol Ministeriu d'Agricultura. Martín esixó al gobiernu asturianu y a la Ministra d'Agricultura que s'opongan al desmantelamientu de la política agraria común, al trespasu d'ayudes de la ganadería al desenrrollu rural, al desacoplamientu de les ayudes, ye dicir, a recibir ayudes pa nun producir, y que defenda'l mantenimientu d'ayudes a zones desfavorecíes de monte. Del mesmu mou, IX reclama que se-y dea prioridá a la redistribución y asignación de les cuotes láctees a les pequeñes esplotaciones autónomes na producción de los sos alimentos, una meyor  distribución d'ayudes pa caltener y potenciar los sistemes d'esplotación más autónomos.

                Martín considera que la desregulación que plantega "el chequéu médicu de la PAC"   perxudicará claramente a les esplotaciones asturianes, porque "nun podrán competir nun mercáu llibre con otros países con vocación esportadora, como Francia, Polonia o la República Checa". Recordó amás que n'estos dos últimos, les condiciones llaborales son peores y polo tanto los costos de producción más baxos. Esixó por tantu, "una comunicación cuanto enantes sobre la postura del Principáu, porque'l Gobiernu asturianu ha tener una posición política". Nesti sen, recordó que'l reciente votu favorable del Gobiernu español al aumentu llinial de la cuota del 2% en tola UE "foi negativo p'Asturies, como asina lo reconoció la conseyera de Mediu Rural, Belén Fernández". El diputáu calificó esti aumentu como "un desastre pa la nuesa ganadería" y aseguró qu'aumentar un 1% la cuota hasta 2015 pondrá al borde de la desapaición al sector asturianu.

      El diputáu d'IX-BA-Verdes recordó que nos últimos 9 años se perdieron n'Asturies más de 10.000 esplotaciones, 7.000 d'elles del sector lácteu y que pasamos de tener en 1998  32.775 esplotaciones (10.860 d'elles láctees) a 22.037 en 2007 (3.347 láctees). Dende la entrada na Comunidá Económica Europea, en 1985, namás resistió'l 10% de les esplotaciones láctees n'Asturies.

      Del mesmu mou, Martín solliñó que "la UE esporta'l 10% de la lleche que produz, polo que nun necesita más cuota". Lo que necesita ye volver a centrar la producción: venceyala al territoriu y rellocalizala.  IX-BA-Verdes  apoya  que'l sistema de cuotes "s'adecuen ente la ufierta y la demanda nel ámbitu européu", onde España produz 6 millones de tonelaes añales y consume 8 millones. Amás pidió que se mantengan los productores, qu'heba una garantía de renta pa ellos al traviés de precios xustos, "non de sovenciones cada vegada más ilexítimes", y que la producción se distribuya ente los territorios y ente los productores.