Menu

La Comisión Xestora d'IX en Llangréu, manifesta que la decisión adoptada por unanimidá de la Presidencia Colexada d'IX ye la consecuencia inevitable de l'actitú y estratexa mantenida nos últimos meses polos cuatro conceyales. De forma sistemática, reiterada y pública manifestaron que nun pertenecen a IX. Foron ellos quienes se autoescluyeron. Foron ellos los que nun quieren pertenecer nin representar a IX.

La Comisión Xestora d'IX en Llangréu, manifesta que la decisión adoptada por unanimidá de la Presidencia Colexada d'IX ye la consecuencia inevitable de l'actitú y estratexa mantenida nos últimos meses polos cuatro conceyales. De forma sistemática, reiterada y pública manifestaron que nun pertenecen a IX. Foron ellos quienes se autoescluyeron. Foron ellos los que nun quieren pertenecer nin representar a IX.

Nesti procesu tanto la Comisión Xestora como la dirección d'IX d'Asturies apostamos pol diálogu y la busca d'una salida a esta situación, pero la única rempuesta que recibimos foron manifestaciones descalificando a IX .

Los cuatro conceyales protagonizaron un nuevu xiru copernicanu. Acumulen munches contradicciones que sería bueno que desplicaren al pueblu. ¿Si tantu defienden a IX por qué dimitieron días enantes de les eleiciones provocando una crisis con incuestionables consecuencies polítiques? Dempués dicen que nun pertenecen a IX y afirmen que van iguar un grupu mistu nel Ayuntamientu. Más tarde, cuando-yos confirmen que nun yera posible, volvieron a camudar de discursu. Tan mareando a la xente y protagonizen una campaña de confusión. Si nun comparten el proyectu d'IX y dimiten de los sos cargos políticos, ¿por qué nun faen lo mesmo cola so acta de conceyales?, ¿por qué s'aferren al sillón?, ¿ónde ta la coherencia?”

Nesti esperpentu los únicos que tan indefensos son los votantes d'IX nel municipiu que tan asistiendo, involuntariamente, a una ópera bufa que namái contribuye al descréditu de la izquierda. Por eso nos vemos na obligación de pidir disculpes públicamente.

IX d'Asturies nun ye una organización nueva, ye una federación d'Izquierda Xunida que tien soberanía xurídica y política, como ocurre tamién cola federación andaluza. Nun hai nada nuevo embaxo'l sol, namái la estratexa d'unes poques persones que parecen enfotaes en destruir el proyectu políticu que representa IX y protagonizen un casu de tresfugismu nel Ayuntamientu de Llangréu.

La Xestora d'IX en Llangréu tambén informa de los motivos que provoquen la espulsión de los anteriores responsables de organización y finanzes d'IX en Llangréu, David Álvarez y Jose Antonio Coto. Éstos últimos siguen ensín entregar los informes económicos y, sobre tou, desvianron recursos económicos d'IX díes dempués de presentar la dimisión, ye dicir, de forma fraudulenta y col sofitu d'Alejandro López, anterior coordinador xeneral. Intentamos, en numberosas ocasiones, que mos presenten esta documentación y que xustifiquen estos movimientos económicos y negáronse a respondenos. Estos graves fechos tienen consecuencies internes, como nun podía ser d'otra forma a quien malversa dineru d'Izquierda Xunida.

La decisión de la Presidencia d'IX ye executiva dende la so aprobación, tal y cómo estipulen los estatutos d'Izquierda Xunida

La Comisión Xestora d'IX de Llangréu tien clares les prioridaes del nuesu trabayu y xera política: A nosotros lo que mos esmolez son los problemes de la xente de Llangréu y dar rempuesta a los retos del municipiu.