El martes 6 de mayu, la Presidencia Colexada d'Izquierda Xunida consideró que los fechos ocurríos nel últimu plenu del Ayuntamientu de Llangéu resultaben tan inauditos como inxustificaos. Yera la primer vez n'España qu'una corporación municipal decidía quien forma parte d'un partíu políticu escontra la voluntá, formalmente espresada d'esi mesmu partíu políticu.
Estes cuatro persones tienen un únicu fin: destruir Izquierda Xunida ya'l proyectu políticu que representa, el de la izquierda tresformadora y plural
Declararon de forma pública y continuada que nun pertenecen a IX, que nun formen parte d'IX, que nun reconocen nin acaten los alcuerdos de la dirección d'IX
El martes 6 de mayu, la Presidencia Colexada d'Izquierda Xunida consideró que los fechos ocurríos nel últimu plenu del Ayuntamientu de Llangéu resultaben tan inauditos como inxustificaos. Yera la primer vez n'España qu'una corporación municipal decidía quien forma parte d'un partíu políticu escontra la voluntá, formalmente espresada d'esi mesmu partíu políticu.
Ante estos fechos, qu'agravaben la ya de por sí insostenible situación política que se vien desarrollando en Llangréu, la Presidencia Colexada d'IX d'Asturies alcordó incoar espediente disciplinariu a Alejandro López Alvarez, Angelita Cuevas Fonseca, María de los Angeles Fonseca Rodríguez y Xuacu de Hoyos Velasco.
Con esta decisión lo que se quier ye poner fin al esperpentu políticu que sufren, dende haz selmanes, los ciudadanos de Llangréu. Alejandro López, como voceru del restu de conceyales mencionaos, vino faciendo, de forma pública y continuada, declaraciones nes qu'afirma que nun pertenecen a IX, que nun formen parte d'IX, que nun reconocen y acaten los alcuerdos de la dirección d'IX. Ye dicir, autoescluyense d'IX.
Ante esta situación, la voluntá de la direición d'IX d'Asturies y de la Comisión Xestora d'IX de Llangréu foi buscar una solución mediante'l diálogu. Ésti foi inútil, como asegura Ángel González, Secretariu d'Organización d'IX d'Asturies. Tábamos ante una estratexa previamente diseñada y nun taben dispuestos a modificala. Estes persones tienen un únicu oxetivu: destruir Izquierda Xunida ya'l proyectu políticu que representa, el de la izquierda tresformadora y plural.
Dientro d'esta estratexa nun dudaron en descalificar los alcuerdos adoptaos democráticamente n'IX y en perxudicar y atacar la imaxen pública d'IX. Protagonizaron una auténtica campaña de desprestixu y ataque escontra IX. Y los fechos del últimu plenu constituyen la gota que colma'l vasu.
IX d'Asturies nun pue permitir que'l esperpentu políticu de Llangréu continue. Ye imprescindible garantizar la normalidad y evitar un fraude a los votantes d'IX. Les persones que son conceyales gracies a los votos d'IX y que nun quieren tar n'IX, como manifestó públicamente, nun puen representar a IX nel Ayuntamientu de Llangréu. Ye asina de cenciello, recuerda Ángel González.
Pa evitar esti fraude y que unos conceyales tránsfugues utilicen les sigles d'IX la Presidencia Colexada d'IX d'Asturies tomaron cartes nel asuntu. La consecuencia de la inaudita votación del últimu plenu del Ayuntamientu de Llangréu ye que, pa poner fin a esti esperpentu, ye necesario espulsar a eses persones. Punximos en marcha'l procedimientu previstu nos nuesos estatutos, que garantiza los derechos de les partes implicaes.
La Presidencia Colexada d'IX d'Asturies ye'l muérganu competente según los estatutos d'IX pa entamar esti espediente disciplinariu.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies