IX emplaza'l Gobiernu a asumir el lliderazgu de les polítiques públiues p'afrontar esta realidá. Nun debemos caer nel catastrofismu, pero tampoco siguir nel optimismu desbordante d'otros. Ye urxente aplicar polítiques d'izquierdes n'Asturies.
IX emplaza'l Gobiernu a asumir el lliderazgu de les polítiques públiues p'afrontar esta realidá. Nun debemos caer nel catastrofismu, pero tampoco siguir nel optimismu desbordante d'otros. Ye urxente aplicar polítiques d'izquierdes n'Asturies.
IX d'Asturies va amestase mañana, xueves 1 de mayu, a la manifestación que los sindicatos UXT y CCOO convoquen en Llangréu, pa cellebrar el Día Internacional del Trabayu.
El Coordinador Xeneral d'IX d'Asturies, Jesús Iglesias, afirmó qu' “Areces debería aprovechar el 1º de Mayu pa reflexonar. Hai datos ante los que'l Presidente nun dixo ni pallabra y qu'espeyen l'Asturies real qu'Areces niega nel so discursu repletu d'optimismu. L'añu pasáu 19.000 xóvenes marcharon d'Asturies pa trabayar fuera. Trátase de xóvenes mui cualificaos que marchen porque equí nun tienen espectatives profesionales de futuru. Hai un peligru evidente de descapitalización n'Asturies pero Areces sigue considerándolos “lleeendes urbanes”.
El voceru parlamentariu d'IX recordó que “n'Asturies el 50% de los trabayadores cobra al mes menos de 1.100 euros brutos y con esos sueldos cada vez más xente sobrevive col agua al pescuezu. Munchos trabayadores nun puen facer nengún plan de futuru con esos ingresos. Y tampoco puen vivir cómodamente. Llegar a fin de mes ye una auténtica misión imposible pa miles de families. Tamos a las puertes d'una crisis económica y muncha xente va pasalo mal si nun se ponen en marcha midíes correctores y garantizamos polítiques públiques empobinaes a los más débiles”
Pa Jesús Iglesias “el Gobiernu nun pue siguir mirando a otru lláu cuando les muyeres asturianes tienen unos ingresos salariales un 34% inferiores que los homes. Somos la comunidá autónoma onde se rexistren mayores diferencies salariales. N'Asturies ufrimos un mercáu de trabayu pa les muyeres que ta prácticamente concentráu nel sector servicios”
El Coordinador Xeneral d'IX dixo que “tampoco podemos olvidar que no que va d'añu les muertes por accidentes de trabajyu subieron un 100% con respectu a los mesmos meses del añu anterior. Demientres, en delles comunidaes consiguieron baxar la siniestralidá un 12,6%, equí subió un 8,81% l'añu pasáu”.
“Esto nun quier dicir que debamos caer nun discursu catastrofista. Resulta tan erróneu como l'optimismu desbordante d'otros. Sobre la mesa hai datos qu'obliguen a una reflexón. Dalgo nun se ta faciendo bien y hai coses que se diben poder facer y nun se faen. El Gobiernu tien qu'adoptar una posición de lliderazgu, tien que tener iniciativa política. Y ta claro que'l Gobiernuu en minoría d'Areces carez d'ellas nestos momentos. Paez un gobiernu noqueáu”, asegura Jesús Iglesias.
IX considera qu'hai trabayu por facer. Asturies necesita diversificar el so texíu productivo, xenerar emplegu estable y con derechos, hai que fomentar sueldos dignos, facilitar l'accesu a la vivienda y combatir la inflacción. Asturies necesita facer un apueste pola industria y pol desarrollu y la innovación tecnolóxica como elementos vertebradores de la nuesa política económica. Tenemos que xenerar emplegu, emplegu de calidá, nos sectores económicos de futuru. Hai que diversificar el nuesu texíu productivu y apoyar los sectores económicos tradicionales. Asturies necesita una política d'izquierdes valiente.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies