Menu

Les cifres son claras. Lo que p'Areces yera una lleenda urbana pal Serviciu d'Emplegu del INEM son más de 19.000 x óvenes, namái l'añu pasáu, los que tuvieron que colar d'Asturies pa buscar un emplegu. Estos xóvenes formen l'Asturies qu'Areces nun quier ver y pa la que nun tien propuestes, asegura Noemí Martín, diputada d'IX-BA-Verdes. Nos discursos del presidente, cargaos d'ilusión y esperanza, nun hai espaciu pa la realidá. Si ya ye preocupante que nun quiera ver esta realidá, más grave resulta que la niegue, considera Martín.

Noemí Martín reclama que'l Gobiernu “tome midíes” pa frenar l'éxodu xuvenil

Les cifres son claras. Lo que p'Areces yera una lleenda urbana pal Serviciu d'Emplegu del INEM son más de 19.000 x óvenes, namái l'añu pasáu, los que tuvieron que colar d'Asturies pa buscar un emplegu. Estos xóvenes formen l'Asturies qu'Areces nun quier ver y pa la que nun tien propuestes, asegura Noemí Martín, diputada d'IX-BA-Verdes. Nos discursos del presidente, cargaos d'ilusión y esperanza, nun hai espaciu pa la realidá. Si ya ye preocupante que nun quiera ver esta realidá, más grave resulta que la niegue, considera Martín.

La diputada cree qu'abandonar Asturies pa buscar emplegu porque tienes unes expectatives profesionales elevaes ye positivo. “Ye una opción llexítima y respetable, pero cuando dexa de ser una alternativa y camuda na única salida llaboral pa milenta de xóvenes ye un asuntu grave pal futuru d'Asturies” diz la diputada. Tamos ante una fuga de cerebros, de persones que podríen xugar un papel mui importante na construcción de l'Asturies del sieglu XXI. Tamos ante un fenómenu que pue suponer una importante descapitalización p'Asturies. Y ante esta realidá ye necesario actuar, propón Noemí Martín.

Comprendemos que resulte complexu parl Gobiernu asumir esto. Asturies nun necesita polítiques lliberales, propies de la derecha. Asturies necesita un Gobiernu con polítiques d'izquierdes; con lliderazgu y con iniciativa política. La comunidá de nueso necesita diversificar el so texíu productivu, xenerar emplegu estable, con derechos y sueldos dignos. “Asturies necesita apostar pola industria y pol desarrollu y la innovación tecnolóxica como elementos destacaos de la nuesa política económica. Asturies necesita más fechos y menos discursos”, asegura la diputada d'IX-BAVerdes.