Menu

Nuna organización ta quien quier tar. En Llangréu nun se botó a nadie d'IX. Alejandro Lopez y los otros tres conceyales fixeron numberoses y continuaes declaraciones públiques afirmando que nun tan n'IX. Ye más, de forma reiterada y continuada en diferentes medios de comunicación, afirmaron nun namái que nun pertenecen a IX sinón que namái diben respetar la disciplina d'otra organización política, a la que respetamos, pero que nun se presentó nes últimes eleiciones municipales. Amás, negáronse a recoyer el carné d'I y abonar les cuotes, deber básicu de tou militante.

Nuna organización ta quien quier tar. En Llangréu nun se botó a nadie d'IX. Alejandro Lopez y los otros tres conceyales fixeron numberoses y continuaes declaraciones públiques afirmando que nun tan n'IX. Ye más, de forma reiterada y continuada en diferentes medios de comunicación, afirmaron nun namái que nun pertenecen a IX sinón que namái diben respetar la disciplina d'otra organización política, a la que respetamos, pero que nun se presentó nes últimes eleiciones municipales. Amás, negáronse a recoyer el carné d'I y abonar les cuotes, deber básicu de tou militante.

Ante esta situación los muérganos de dirección d'Izquierda Xunida dirixéronse formalmente a ellos pa que clarificasen la continuidá n'IX ensín qu'hayan, ni tan siquiera, respondido a estos requerimientos.

Ante esta situación, IX entiende que les declaraciones públiques feches, la negativa a abonar les cuotes y retirar el carné, la non asistencia a reuniones pa coordinar la política municipal nel Ayuntamientu de Llangréu y el silenciu a los requerimientos de los muérganos de dirección constituyen elementos más que suficientes pa determinar qu'estes persones nun quieren siguir siendo militantes d'IX.

Nel Ayuntamientu de Llangréu hai cuatro persones que son conceyales porque diben nes llistes d'IX-BA y que nun quieren siguir siendo militantes d'Izquierda Xunida. Eso tien un nome: transfugismu políticu. Tamos ante un fraude a los votantes d'IX. Nun puen representar a IX quienes nun quieren tar n'IX. Ye elemental.

Somos conscientes de la importante confusión xenerada en Llangréu. Y pedimos disculpes a los ciudadanos por ello. Pero tamién constatamos que nel municipiu ta dándose una escisión política de persones que nun apuesten por IX sinón por otru proyectu políticu.

Esta situación agravose cola actitú de l'Alcaldesa de Llangreo que refugó actuar conforme a derechu, agravando'l esperpentu políticu al que, innecesariamente, tan asistiendo tolos ciudadanos de Llangréu. Nun creemos qu'esta actitud sía casual, ya que ye contrario a los informes presentaos pol Secretariu del Ayuntamientu haz unos díes. L'Alcaldesa pacta colos tránsfugues pa mantener un fraude a los votantes d'IX y sacar réditu políticu d'una situación intolerable.

Tamos ante un precedente únicu n'España. Un Ayuntamientu pon en cuestión lo que se-y comunica dende una organización política respecto a los sos afiliaos. Ye un incumplimientu de la Llei Anti transfugismu. Esperamos que l'Ayuntamientu rectifique esti error. Pa ello ufrimos tola nuesa collaboración. Presentamos tola documentación requerida pola Alcaldía y la Secretaría Municipal. Y presentaremos tola que sía necesaria.

A partir de güei, la voz y la representación del Grupu Municipal d'IX-BA nel Ayuntamientu de Llangréu va ser la que tresmita'l voceru municipal Gustavo Álvarez.

IXZ va treslladar esti casu a la comisión estatal de siguimientu del Pactu Antitransfugismu.