Menu

El prósimu miércoles 30 d'abril fina'l plazu pa que les industries más importantes d'Asturies algamen l'Autorización Ambiental Integrada obligatoria según la Llei 16/2002 de 1 de xunetu de Prevención y Control Integraos de la Contaminación; les industries que nun cuenten con dicha autorización van queda nuna situación d'illegalidá o van tener qu'aparar la so actividá.

El prósimu miércoles 30 d'abril fina'l plazu pa que les industries más importantes d'Asturies algamen l'Autorización Ambiental Integrada obligatoria según la Llei 16/2002 de 1 de xunetu de Prevención y Control Integraos de la Contaminación; les industries que nun cuenten con dicha autorización van queda nuna situación d'illegalidá o van tener qu'aparar la so actividá.

Ante l'ausencia d'información sobre'l procesu8 de tramitación d'autorizaciones y por mor de que la información de la que se dispón ye que nun se dio denguna, el Grupu Parlamentariu d'IX-BA Verdes pidió, al traviés del so voceru Jesús Iglesias, información detallada al gobiernu pa poder saber con exactitú cuál ye la realidá.

El voceru parlamentariu en materia ambiental, Francisco Javier García Valledor, afirmó que “tamos ante un asuntu de principal importancia económica y ambiental. Nun pue xenerase inseguridá a les empreses asturianes. Vamos facer toles aiciones parlamentaries necesaries pa qu'esti asuntu se lleve cola máxima tresparecencia y eficacia. La información de la que disponemos nosotros, una parte importante d'ella procedente de la Coordinadora Ecoloxista d´Asturies, indícanos que tovía nun se fizo ni siquiera'l tramite d'audiencia a los interesaos que presentaron alegaciones y esto pue provocar inclusive la intervención de los xulgaos. Tien tola apariencia de ser otra chapuza del equipu escontra'l mediu ambiente que capitanea Belén Fernández.”

Nes peticiones d'información parlamentaria rexistraes güei pídese'l listáu de les empreses asturianes suxetes a l'autorización ambiental integrada y les feches nes que l'alministración concedió dicha autorización. Ente les empreses afeutaes tan Arcelor, Azsa, Alcoa, Química del Nalón, Industrias Doy, Cristalería, Dupont y Danone.