Menu

Izquierda Xunida d'Asturies va demandar al gobiernu d'Asturies un  créditu estraordinariu pa financiar los proyectos que demanden los ayuntamientos asturianos. Ante'l vaciu d'iniciativa por parte del gobiernu d'Areces, IX d'Asturies va facer una propuesta de financiación pa que les necesidaes de los ayuntamientos y los ciudadanos se resuelvan. Esti proyectu va facese atendiendo a les necesidaes y d'una forma neutra, ensín tener en cuenta'l color políticu del equipu que gobierna, tal como yera'l modus operandi del executivu autonómicu que “sofita a los ayuntamientos propios y castiga a los d'otru color políticu”, como aseguró Jesús Iglesias, durante la rueda de prensa posterior a la reunión colos secretarios xenerales de los sindicatos UXT y CCOO -Justo Rodríguez Braga y Antonio Pino, respectivamente- y el presidente y secretariu xeneral de la Federación d'Empresarios Asturianos (FADE), Severino García Vigón y Alberto González.

Izquierda Xunida d'Asturies va demandar al gobiernu d'Asturies un  créditu estraordinariu pa financiar los proyectos que demanden los ayuntamientos asturianos. Ante'l vaciu d'iniciativa por parte del gobiernu d'Areces, IX d'Asturies va facer una propuesta de financiación pa que les necesidaes de los ayuntamientos y los ciudadanos se resuelvan. Esti proyectu va facese atendiendo a les necesidaes y d'una forma neutra, ensín tener en cuenta'l color políticu del equipu que gobierna, tal como yera'l modus operandi del executivu autonómicu que “sofita a los ayuntamientos propios y castiga a los d'otru color políticu”, como aseguró Jesús Iglesias, durante la rueda de prensa posterior a la reunión colos secretarios xenerales de los sindicatos UXT y CCOO -Justo Rodríguez Braga y Antonio Pino, respectivamente- y el presidente y secretariu xeneral de la Federación d'Empresarios Asturianos (FADE), Severino García Vigón y Alberto González.

Les prioridaes pa establecer esti créditu estraordinariu, pal qu'IX d'Asturies, reclama dilixencia, van ser les d'abastecimientu d'agua, tratamientu d'agues residuales, equipamientos sociales y servicios públicos, a los que tienen derechu tolos asturianos.

Jesús Iglesias, Coordinador d'IX d'Asturies y voceru parlamentariu de la coalición, recordó que'l créditu estraordinariu que se va abordar  mañana na Xunta Xeneral del Principáu, que respuonde a la financiación de los alcuerdos de concertación social, va ser sofitáu pol grupu parlamentariu d'IX-BA-Verdes precisamente por ser frutu del alcuerdu ente los axentes sociales, anque afita dalgunes prioridaes n'inversión por parte del gobiernu autonómicu qu'IX nun comparte. Jesús Iglesias fizo hincapie en que nesti créditu extraordinario qu'agora se va abordar presenta insuficiencies como son los de la financiación de proyectos locales, que si se incluyeran enantes seríen más facil d'apoyar. Del mesmu mou, sorayó que'l gobiernu autonómicu negoció colos axentes sociales lo que nun quiso facer enantes con IX.

Los secretarios xenerales d'UXT, Justo Rodríguez Braga, y el de la FADE, Alberto González, pidieron al gobiernu d'Asturies qu'adelante inversiones futures pa facer frente a la desaceleración económica que vive Asturies. González desplicó na sede d'IX d'Asturies que la FADE pidió que se contemplen estes midíes pa minimizar la desaceleración económica “nun momentu mui delicáu”. Justo Rodríguez Braga, pela so parte, sorayó que “va ser necesario adelantar inversiones de los próximos años si queremos que la desaceleración económica nun nos afeute demasiao. El gobiernu nun pue relaxase y tien qu'activar esto”. Asimesmo demandaron el sofitu d'IX nesta iniciativa.

Los secretarios xenerales de los sindicatos y la patronal agradecieron a IX d'Asturies el sofitu a la concertación social, al ACEBA, qu'Antonio Pino, secretariu xeneral de CCOO    calificó como un “instrumentu fundamental” nel actual contestu económicu, al poner en valor l'alderique social p'afrontar les necesidaes de la rexón.