Aurelio Martín considera “inaceptable” la propuesta del Ministeriu
El grupu parlamentariu d'IX na Xunta Xeneral espresa'l sofitu de la coalición a les movilizaciones y reivindicaciones de los pescadores asturianos qu'estos díes manifiesténse en contra de la repartida de los cupos de la xarda pa los barcos de cercu y artes menores. Aurelio Martín, diputáu encargáu de los asuntos d'Agroganadería y Recursos Autóctonos, considera que la repartida que propón el Ministeriu d'Agricultura, Alimentación y Medioambiente ye “inaceptable ya inasumible” yá que perxudica a los pescadores asturianos estableciendo una repartida de cuota individual tomando como referencia un periodu que nun favorez a los nuesos pescadores y, amás, apueste por primar modelos de pesca menos sostenible qu'el de la flota asturiana. IX pidi al Ministru una rectificación “inmediata” pol bien d'un sector que nel Norte yá sufrió abondos perxuicios.
El diputáu d'IX recuerda que los nuevos cupos que'l Ministeriu establez pa les comunidaes cantábriques representen pal Principáu'l 14,74%, pa Galicia'l 17,46% ente que Cantabria y el País Vascu lleven el 25,75% y el 42,07%. “Como puede vese, Galicia y el Principáu son les clares desfavorecíes nesta asignación de la xarda”, conclúi'l diputáu d'IX.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies