Aurelio Martín considera que la declaración de nulidá de l'Audiencia ye una oportunidá p'axustar y siguir colos puestos de trabayu
Tolos grupos parlamentarios de la Xunta Xeneral aprobaron esta mañana la moción subsiguiente del grupu parlamentariu d'IX na que se refuga los ERES que les empreses públiques Tragsa y Tragsatec tienen previstos n'Asturies y esixe al Gobiernu asturianu cumplir l'alcuerdu robláu col colectivu de veterinarios de les campañes de saneamientu en 2005 qu'establecía nos pliegos de clauses de les campañes de saneamientu ganaderu la obligación de les empreses axudicataries públiques o privaes asuman al personal afectáu.
Aurelio Martín, diputáu d'IX responsable de agroganadería na Xunta, recordó qu'ésta selmana se produció un cambéu cualitativu de suma importancia: la declaración de nulidá per parte de l'Audiencia Nacional del Ere de Tragsa, que va acabar afectando a Tragsatec, a xuiciu del diputáu. Al tiempu, esplicó'l prestu del grupu pola resultancia de la sentencia. Esti fallu xudicial ye, al so xuiciu, una oportunidá por que la empresa pública y los sos dirixentes impriman un xiru de 180 graos, axusten colos sindicatos y los gobiernos d'España y Asturies pa la continuidá de los puestos de trabayu.
Martín repitió'l pidimientu al Partíu Popular de que nun se dexe llevar por prexuicios ideolóxicos y arrenuncie a precarizar l'empléu y aplicar la subcontratación en favor de la seguridá llaboral. De la mesma, alvirtió de que “nun ye xustu nin austeru caltener una estructura directiva desproporcionada y qu'implica que los dirixentes ganen más de 100.000 euros al añu y despídase a el trabayadores”. Asina mesmu, alvirtió que el trabayadores asturianos nun pueden pagar “les falcatrúes” de gobiernos autonómicos que tienen deldes millonaries con Tragsa y Tragsatec, por casu el de la comunidá valenciana que debe 200 millones d'euros, de los 400 que-y deben a Tragsa.
El diputáu d'IX, pela contra, esplicó qu'en la nuesa comunidá económica Tragsa tien bones resultancies económiques, anque nos últimos años la campaña de saneamientu sufriera una baxa económica -qu'IX considera escesiva-, y que'l principal veceru ye'l Gobiernu asturianu al que pidió “que sía esixente”. “Pidimos al Gobiernu'l compromisu de siguir siendo un bon veceru”, dixo'l diputáu, quien recordó que nun se ta falando de subvenciones, sinón d'un dineru aplicao a la economía granible.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies