Menu

El Coordinador d'Izquierda Xunida n'Uviéu, Alejandro Suárez, manifestó que "hai delles persones que, dende va tiempu, paez que tienen un únicu oxetivu na vida: destruyir a Izquierda Xunida. Asina lo demostraron reiteradamente. Ye lexítimo defender otru proyectu políticu estremáu al d'IX. Y ficiéronlo. Defenden otra forma de facer política más sectaria y escluyente.

El Coordinador d'Izquierda Xunida n'Uviéu, Alejandro Suárez, manifestó que "hai delles persones que, dende va tiempu, paez que tienen un únicu oxetivu na vida: destruyir a Izquierda Xunida. Asina lo demostraron reiteradamente. Ye lexítimo defender otru proyectu políticu estremáu al d'IX. Y ficiéronlo. Defenden otra forma de facer política más sectaria y escluyente.

Nun comparten los valores de la izquierda alternativa que ye IX, como tampoco nun comparten les regles del xuegu. NUN respetaron nunca los alcuerdos que s'adoptaben democráticamente".

Pa Suárez "hai persones qu'afalaron un proyectu políticu estremáu. Compitieron con IX nes elecciones. Foi una escisión. Y como tal actuamos. Por ciertu, los mesmos que reclamen credibilidá y honestidá siguen ensin entregar les cuentes d'IX d'Uviéu".

El Coordinador d'IX n'Uviéu afirma que "el xuez nun entra a valorar la situación política, namás cuestiona'l procedimientu alministrativu. Nós nun compartimos esa parte de la sentencia.

Actuamos de forma lóxica con quien, de contino ataca y desacredita pública y notoriamente a IX. Quien impulsa otru partíu nun pue reclamar siguir n'IX. Ye como si Rosa Diez, diputada d'UPyD, pidiera siguir afiliada al PSOE, ¿dalguién diba entendela?" Alejandro Suárez declaró que "dellos escaecen que la sentencia afirma dalgo fundamental: que n'Uviéu actuóse de forma correcta, que la creación de la Xestora, la convocatoria d'una xunta llocal y la elección d'una nueva dirección política n'IX d'Uviéu fízose de forma correcta. Son pataletes de quien lleva décades na poltrona y sigue queriendo mantenese a toa costa"

Finalmente, el coordinador d'IX d'Uviéu recordó que "naide que tea n'otru proyectu políticu pue pretender tar, al mesmu tiempu, n'IX. El verdugu quier apaecer como víctima. Marchó d'IX porque quixo. Agora tendremos la ocasión de comprobar si los cientos de supuestos militantes queden nunes poques decenes. La gran mentira cai sola. En 2007 yá tuvieron que retirar una demanda contra IX porque'l xuez mos dio la razón, los censos d'Uviéu taben enllenos d'irregularidaes"