Menu

El Conseyeru d'Infraestructures, Francisco González Buendía, esquivó güei na Xunta Xeneral del Principáu'l calendariu de plazos de l'alta velocidá
n'Asturies. González Buendía debería responder coles feches concretes al mandatu de la Xunta Xeneral de reclamar al gobiernu d'España estos datos nun plazu de trés meses.

El Conseyeru d'Infraestructures, Francisco González Buendía, esquivó güei na Xunta Xeneral del Principáu'l calendariu de plazos de l'alta velocidá
n'Asturies. González Buendía debería responder coles feches concretes al mandatu de la Xunta Xeneral de reclamar al gobiernu d'España estos datos nun plazu de trés meses. Aurelio Martín, diputáu d'IX-BA-Verdes, presentó esta interpelación al cumplise esti trimestre ensin que la cámara tuviere noticia dala de cuándo va arribar l'AVE a Xixón. Según les estimaciones del diputáu d'IX-BA-Verdes l'AVE nun llegará a Xixón hasta l'añu 2016 al ritmu que van los trámites.

González Buendía usó'l trucu de falar d'estudios informativos y axudicaciones de tramos d'obres fuera d'Asturies, amás d'inversiones varies pero nun concretó, en nengún momentu unas feches de referencia pal trayectu ente La Pola L.lena y Xixón. Aurelio Martin considera que falta voluntá política y presupuestaria pa qu'ésta obra nun siga retrasándose y pa qu'Asturies dexe de ser una "islla de l'alta velocidá".

Énte la falta de concreción, Aurelio Martín presentará una moción subsiguiente, que deberá ser abordada nel próximu plenu de la Xunta Xeneral.