Menu

Les polítiques de retayos son un fracasu estrueldosu y ye indispensable un cambéu d'aldu.

Ángela Vallina reclamó güei un plan européu d'emplegu xuvenil, una iniciativa que tien de parar la sangría que, dende l'empiezu de la crisis, supunxo la salida de más de 30.000 mozos y moces d'Asturies. "Les polítiques de retayos son un fracasu estrueldosu y ye indispensable un cambéu d'aldu, n'España, en concencia, pero tamién n'Europa. Arrebola escuchar a socialistes y populares echándose la culpa cuando dambos son responsables, pos son ellos quien gobernaron Europa y España, llegando a alcuerdos que son los que precarizaron especialmente a la mocedá.

L'emplegu xuvenil foi n'España una de les asignatures pindies, inclusive antes de la crisis, yá qu'esistía un paru estructural superior al de la media europea. Agora, la falta d'oportunidaes d'emplegu, xunto colos problemes que traviesen les families y los retayos en beques y aumentu de les tases xeneró'l caldu de cultivu aparente pa una esplosión del desemplegu y l'emigración. "Si equí nun pueden trabayar, porque naide-yos ufiérta un emplegu; nun pueden estudiar y formase, porque los nuevos modelos clasistes del PP torguenlo con menos beques, nun-yos queda otra qu'emigrar. Nun son lleendes urbanes, son, lamentablemente, realidaes, urbanes y rurales".

Ángela Vallina acometió tamién contras les polítiques agraries yá que, na so opinión, perdióse una oportunidá d'oru pa favorecer que mozos que quixeren siguir col so desenvolvimientu profesional nel campu tendránlo difícil. "Hubo un amenorgamientu del presupuestu européu, tamién na PAC, y ende tuvieron d'alcuerdu socialdemócrates y conservadores. Lo cierto ye que colos retayos la política agraria va vese seriamente afectada, tantu porque nun se resuelve la repartida d'ayudes -dende siempres se primaba a los grandes terratenientes y propietarios- nin tampoco se dan alternatives pa remocicar, de verdá, l'actividá. IX defende un plan qu'implique un cambéu nesos modelos y nel que la incorporación de moces tien de ser tamién prioirdad