La Executiva d'IX considera que "tuvimos unos resultaos insatisfactorios. Marcámonos l'oxetivu de condicionar la política del próximu gobiernu tres estes eleiciones pa garantizar más izquierda nesti país y nun lo algamamos. N'Asturies propunxímonos recuperar el diputáu d'IX y tampoco lo algamamos. Reconocemos el nuesu fracasu".
La Executiva d'IX considera que "tuvimos unos resultaos insatisfactorios. Marcámonos l'oxetivu de condicionar la política del próximu gobiernu tres estes eleiciones pa garantizar más izquierda nesti país y nun lo algamamos. N'Asturies propunxímonos recuperar el diputáu d'IX y tampoco lo algamamos. Reconocemos el nuesu fracasu".
La Executiva d'IX considera que "afortunadamente el PSOE tampoco algamo'l so verdaderu oxetivu: la mayoría absoluta. Agora vamos ver si gobierna dende la izquierda o prefier aplicar polítiques de dereches. Y el PP, como alvertimos nes últimes selmanes, tampoco ye una alternativa de gobiernu".
"La campaña que desenrrolló IX-BA-Verdes foi la meyor campaña electoral que se fizo n'Asturies. Laura González yera la meyor candidata d'IX. Poro tamos mui satisfechos del trabayu fechu ", afirmen na Comisión Executiva d'IX.
"Ye cierto que la excesiva bipolarización política ya'l votu útil condicionaren los resultaos d'IX. Unos resultaos que, ensín embargu, nun tienen una traducción llóxica nel Congresu: nun ye normal qu'una fuercia política como IX, con 963.000 votos, tenga los mesmos diputaos qu'otras formaciones con apenes 200.000 votos. Ye antidemocráticu y espeya la pobreza y la inxustificable falta de proporcionalidá del nuesu sistema electoral", sostién la Executiva d'IX d'Asturies.
"Ensín embargu, consideramos qu'hai un espaciu electoral a la izquierda del PSOE, hai base social pa un proyectu d'izquierda tresformadora. Tamos convencíos d'ello. Entamamos un procesu de reflexón interna pa detectar los errores que cometimos y solucionalos. Esta ye la nuesa firme voluntá. Ye necesariu afitar Izquierda Xunida, ye necesariu afotar la organización de nueso, intensificar el nuesu trabayu nes instituciones y na sociedá, para siguir defendiendo les polítiques d'izquierda necesaries pa construir un país más xusto social y económicamente".
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies