Menu

El secretariu d'organización d'Izquierda Xunida d'Asturies, Ángel González, afirmó que “la imaxen que tan ufriendo los socialistes asturianos nesta campaña electoral ye llamentable. Agora enllenen la boca diciendo que van defender los intereses de los más desfavorecíos pero cuando hai que moyase, como siempre, miren a otru lláu”.

“Todos sabemos que intereses defiende Gabino de Lorenzo, pero ye urxente clarificar qué intereses va defender el candidatu socialista dende'l so escañu”, afirmó Ángel González

El secretariu d'organización d'Izquierda Xunida d'Asturies, Ángel González, afirmó que “la imaxen que tan ufriendo los socialistes asturianos nesta campaña electoral ye llamentable. Agora enllenen la boca diciendo que van defender los intereses de los más desfavorecíos pero cuando hai que moyase, como siempre, miren a otru lláu”.

Ángel González afirmó que “tol mundiu sabe qué intereses defiende'l PP. A los fechos me remito. Gabino de Lorenzo convirtió Uviéu nuna especie de casinu priváu nel que cuatro amigos se reparten suculentos negocios a costa de les necesidaes de la xente. Nun ye nada nuevo, tres la cara de Gabino escóndese un importante entramáu económicu con intereses diametralmente opuestos a los de la xente”.

“Lo que resulta tan sorprendente como inxustificable ye la ambigüedá de los socialistes. Tres la operación de les trillizes d'Uviéu escóndese un terrible atentáu escontra'l patrimoniu monumental de la ciudá y un suculentu negociu pa cuatro amigos. El PSOE diba tener que tener una posición clara y nítida pero Álvaro Cuesta sigue imitando a l'avestruz, como siempre qu'hai problemes, esconde la cabeza”, declaró'l secretariu d'organización d'IX.

Ángel González dixo qu'“Areces y el silenciu son como l'agua y l'aceite, incompatibles. Y ensín embargu, el presidente sigue calláu nesti asuntu d'enorme relevancia. Nun tuvo inconveniente en rectificar a la so Conseyera de Cultura pero paez que-y cuesta dicir en públicu qué opina”.

Por últimu, el secretariu d'organización d'IX valoró la campaña del PP y del PSOE: “Gabino de Lorenzo dixo ayeri que lleva mes y mediu de campaña, debe cuntar el tiempu que pasó viendo, dende'l so sofá en Benia, cómo Laura caleyaba Asturies. Y el candidatu del PSOE tuvo que comprar un Tom-Tom para nun perdese por Asturies”.