El Coordinador, Manuel González Orviz, considera que ye'l momentu de dar voz a la xente
El Coordinador d'IX d'Asturies, Manuel González Orviz, considera que la crisis institucional’ que representa l'abdicación del Rei resolveríase con un referéndum sobre monarquía o república, yá que al so xuiciu'l Partíu Popular y el PSOE lo único que van facer ye blindar a Felipe VI.
González Orviz considera que ye obligao facer un procesu constituyente republicanu con un referéndum como salida a la restauración borbónica que van sofitar PP y PSOE. “Ye necesaria una consulta sobre un procesu constituyente pa ser esixente de los derechos sociales de pan, trabayu, techu, sanidá, educación y pensiones, como se fixo n'otros periodos del sieglu pasáu. “PSOE y PP, xuntu cola corona y la oligarquía del poder económicu, van tratar de facer una sucesión de llombu al pueblu”, alvierte'l Coordinador d'IX d'Asturies. González Orviz cree qu'esta ye la oportunidá de realizar un procesu pacíficu nel que los ciudadanos escueyan ente monarquía y república.
“El pactu políticu y económicu nun sirve a la ciudadanía a la que se conderga al paru, a la fame y la esclusión social”, esplica González Orviz. “Del réxime corruptu salse con participación social cuidando que los menores de 50 años nun tuvieron posibilidá de votar monarquía o república y a los mayores de 50 años viéno-yos nel paquete constitucional”, sostien González Orviz. IX va impulsar un procesu unitariu de movilización social pola república y los derechos sociales.
“Ye'l momentu de dar voz a la xente”, conclúi'l dirixente d'IX d'Asturies.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies