El vienres va proponer una moción esixendo la puesta en funcionamientu de la Variante de Payares el próximu añu
El grupu parlamentariu d'IX va preguntar na sesión del xueves del plenu de la Xunta Xeneral por qué'l Gobiernu endureció los criterios p'aportar a les ayudes pal arriendu de viviendes, cuando a xuiciu d'IX, tendría de ser tolo contrario, amontar les ayudes al arriendu pa que tuvieren correspondencia cola situación económico y social. IX pregunta si piensa'l Conseyu de Gobiernu caltener los requisitos de los beneficiarios de les ayudes públiques.
Na sesión del vienres, IX va proponer pa la so votación una moción subsiguiente a interpelación sobre los plazos y les condiciones de la llegada del AVE a Asturies. Na moción la Xunta encamienta al Conseyu de Gobiernu pa que se dirixa al Gobiernu del Estáu con cuenta de qu'impulse la tramitación del tramu Llión-La Robla, a que remate les obres del tramu Valladolid-Llión antes de la finalización de 2015 y a qu'entaíne les obres de la Variante de Payares pa qu'entre en serviciu nel añu 2015, con usu mistu de pasaxeros y mercancíes. La iniciativa tamién encamienta a que'l Gobiernu de Rajoy resuelva'l problema del fondu de sacu de la estación de Llión, pa evitar retrasos de 20 minutos nel trayectu Asturies-Madrid. D'últimes incorpora un puntu en que l'Asturies esixe un serviciu diariu directu en cada sentíu mientres nun se resuelve'l problema de la estación de Llión.
Na sesión del xueves, tamién ta previstu que tome posesión de l'acta de diputáu Luís Álvarez Payo.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies