Menu

El problema de la vivienda nun se resuelve prolongando la duración de les hipoteques. La candidata defiende, ente otres midíess, la creación de nueves sovenciones pa sofitar a les families con menos recursos a pagar les hipoteques.

El problema de la vivienda nun se resuelve prolongando la duración de les hipoteques. La candidata defiende, ente otres midíess, la creación de nueves sovenciones pa sofitar a les families con menos recursos a pagar les hipoteques.

Laura González afirmó güei que “munches persones, sobre manera xóvenes, tienen enormes torgues p'acceder a una vivienda digna y estos problemes nun se resuelven prolongando la duración de les hipoteques. La vivienda ye un derechu y como tal tien que ser tratáu. Nun ye tolerable que los xóvenes tengan qu'hipotecar les sos vides p'acceder a una vivienda. Cuando tuve la oportunidá de dirixir la Conseyería de Vivienda trabayamos duramente nesi sen: dimos puxu a la construcción de vivienda protexida, incrementamos el dineru para dar ayudes a la compra y l'alquiler, punximos en marcha programes específicos... Pero, como decíamos nesi momentu, tou esi esfuerciu ye insuficiente, porque la realidá ye mui grave”

“Munches families tienen enormes torgues pa llegar a fin de mes, vense obligaes a sobrevivir con salarios baxos cuanto tou ta subiendo. Y ante esta realidá nun se pue mirar a otru lláu. Hai que tomar decisiones. Como diputada, voi esixir al próximu Gobierno que ponga en marcha un nuevu sistema de subvenciones p'ayudar a pagar les hipoteques a tantes families a les que l'Euribor punxo la soga al gargüelu. Una midía que, n'Asturies, opusiéronse tanto'l Partíu Socialista y el Partíu Popular. Nel nuesu programa vamos defender la necesidá d'incrementar les reserves de vivienda protexida hasta'l 75% nel suelu urbanizable, por exemplu; movilizar la vivienda vacía hacia l'alquiler protexíu xestionáu por programes públicos; da-y puxu a la rehabilitación, etc” declaró Laura González

"Nos últimos quince años, la política de vivienda en demasiaos llugares d'España basose na inmoralidá y l'afán de lucru. Ye hora de poner dalgo d'orden. Los que s'enriquecieron tienen qu'escomenzar a devolver parte de lo que-y quitaron a la xente. Pa eso, IX tamién vamos defender otra política fiscal, nes antípodes de les posiciones del Partíu Popular, pa grabar les grandes fortunes, munches d'elles amasaes esprimiendo les necesidaes de la xente. Esos son los “currantes” a los que diz defender Rajoy y Gabino de Lorenzo”, declaró la candidata d'IX-BA-Verdes