Menu

Izquierda Xunida va esixir al Gobiernu qu'execute l'actuación prometida n'Arniciu, con una inversión de 600.000 euros.

Izquierda Xunida va presentar una proposición non de llei pa l'adecuación de la carretera del Puertu de Tarna, colos oxetivos d'ameyorar la seguridá vial, les comunicaciones pa los pueblos de la zona y facilitar los accesos actual y previstu. El coordinador d'IX Asturies, Manuel González Orviz, y el voceru na Xunta Xeneral del Principáu, Aurelio Martín, anunciaron esta mañana, en Casu, que tamién reclamaren al Gobiernu que cumpla cola promesa d'inversiones anunciaes na campaña europea p'Arniciu, por un montu de 600.000 euros.

González Orviz y Martín visitaron güei la zona al pie de los voceros y coordinadores d'IX na zona alta del Nalon, dada la importancia que ta vía tien pa les comunicaciones de tola área. El voceru d'IX en Casu, Carlos González, reclamó actuaciones urxentes que dexen facilitar los accesos, tantu dende la perspectiva de los vecinos como de los visitantes a un espaciu que, recordó, ye parque natural y reserva de la biosfera.

Dende Sobrescobiu y Llaviana, sumaronse a la visita los voceros de dambos conceyos, Ovidio Zapico  y Leticia Gil, amás del responsable d'organización d'esta última agrupación, Jesús González.