Menu

Laura González, candidata d'IX-BA-Verdes al congresu de los diputaos, comprometiose a sofitar la reivindicación de la Confederación d'Asociaciones de Vecinos d'Asturies pa camudar la llei d'asociaciones. Pa la candidata va ser “prioritariu esti cambiu” ya qu'anguaño ta tratándose a les asociaciones vecinales como si fueren una empresa, ensín tener en cuenta la singularidá de los sos oxetivos y la tradición de participación ciudadana que representen. Cavastur cuenta n'Asturies con 73.000 asociaos. González considera que la llei tien que cambiar pa favorecer la participación vecinal nos asuntos que-yos competen. Laura González adelantó que'l grupu parlamentariu d'IX-BA-Verdes ya rexistró na Xunta Xeneral del Principáu una proposición non de llei na que insta al gobiernu a presentar, enantes del final del periodu de sesiones, un proyectu de Llei d'Asociaciones y Promoción de la Participación Ciudadana nel Principáu d'Asturies, nel que, xunto con otros conteníos, regúlense les midíess d'impulsu, promoción y sofitu al asociacionismu, los beneficios fiscales, económicos y administrativos de los que, nel ámbitu de les competencies autonómiques. Esta proposición quier garantizar la participación estable de los ciudadanos al traviés del movimientu asociativu nos asuntos públicos y ensín que tea, como hasta'l momentu, en manos de la voluntá del executivu de turnu.

Laura González, candidata d'IX-BA-Verdes al congresu de los diputaos, comprometiose a sofitar la reivindicación de la Confederación d'Asociaciones de Vecinos d'Asturies pa camudar la llei d'asociaciones. Pa la candidata va ser “prioritariu esti cambiu” ya qu'anguaño ta tratándose a les asociaciones vecinales como si fueren una empresa, ensín tener en cuenta la singularidá de los sos oxetivos y la tradición de participación ciudadana que representen. Cavastur cuenta n'Asturies con 73.000 asociaos. González considera que la llei tien que cambiar pa favorecer la participación vecinal nos asuntos que-yos competen. Laura González adelantó que'l grupu parlamentariu d'IX-BA-Verdes ya rexistró na Xunta Xeneral del Principáu una proposición non de llei na que insta al gobiernu a presentar, enantes del final del periodu de sesiones, un proyectu de Llei d'Asociaciones y Promoción de la Participación Ciudadana nel Principáu d'Asturies, nel que, xunto con otros conteníos, regúlense les midíess d'impulsu, promoción y sofitu al asociacionismu, los beneficios fiscales, económicos y administrativos de los que, nel ámbitu de les competencies autonómiques. Esta proposición quier garantizar la participación estable de los ciudadanos al traviés del movimientu asociativu nos asuntos públicos y ensín que tea, como hasta'l momentu, en manos de la voluntá del executivu de turnu.

Laura González expresó la coincidencia de plantegamientos ente la Confederación d'Asociaciones de Vecinos d'Asturies y los d'IX-BA-Verdes y resaltó que la  llabor de les asociaciones de vecinos “ye complementaria a les instituciones p'algamar xuntura social”. Laura González recordó que en cada una de les responsabilidaes que tuvo, tanto como conceyal, presidenta de la Xunta, como nel cargu como conseyera de Vivienda, fomentó la participación social de les entidaes asturianes.

La candidata fixo estes declaraciones a los medios tres aconceyar cola xunta directiva de CAVASTUR y sintor les sos reivindicaciones. “Nun tien sintíu ser diputáu si nun escuches les cuestiones que pide la xente”, aseguró la candidata ante los miembros de la confederación presidida por Vicente Gutiérrez Solís.

Laura González tamién sofitó la denuncia que fixo Cavastur alredor de que Correos siga repartiendo nes fasteres más llonxanes de la rexón, sinón diva tar contribuyéndose al despoblamientu y acentuando les diferencias de servicios ente les persones que viven na zona urbana y la rural.

La directiva de Cavastur recordó a Laura González les sos reivindicaciones: la baxada del IVA nos servicios básicos, sobre manera nel agua y na vivienda; la recuperación de los importes cobraos poles operadores telefóniques tres la xube de la cuota que fixeron de forma unilateral cuando entró en vigor la obligación de facturar por segundos y una nueva fiscalidá pa los ayuntamientos, ya que la confederación de vecinos cree que al amenorgar los sos ingresos pue conllevar la baxada de servicios básicos pa los ciudadanos o la privatización de los mesmos.

Del mesmu mou, les asociaciones de vecinos reclamen el so reconocimientu como organizaciones de consumidores ya'l desarrollu d'una política de cohesión social.