La diputada d'Izquierda Xunida vincula'l so piesllu a la necesidá de financiar la compra indiscriminada d'ordenadores
La diputada d'Izquierda Xunida vincula'l so piesllu a la necesidá de financiar la compra indiscriminada d'ordenadores
La diputada del grupu parlamentariu d'Izquierda Xunida-Bloque por Asturies-Los Verdes, Noemí Martín, acusó al Gobiernu d'Asturies de desmontar los servicios públicos que funcionen y nun tener en cuenta les demandes ciudadanes en rellación col piesllu de los Telecentros hasta agora dependientes del Principáu d'Asturies. Martín señaló que “lo que fiicieron colos Telecentros ye l'exemplu de lo que nun tien que facer un gobiernu que se llama a sí mesmu d'izquierdes”.
La diputada señaló que'l piesllu de los Telecentros ya'l so trespasu “a la trágala a los Ayuntamientos” rellaciónase col empeñu d'Areces en subvencionar la compra indiscriminada d'ordenadores, con independencia del nivel de renta de los beneficiarios, y que, amás, nun tien partía presupuestaria. Zarrase un serviciu públicu que funcionaba bien y que sirvía p'amenorgar la brecha dixital n'Asturies pa poder financiar ordenadores pa los ricos. Eso ye tan d'izquierdes como les propuestes fiscales de Pizarro” añadió la diputada.
Martín entrugose polas razones poles qu'un serviciu que yera bien valoráu pola ciudadanía, tien miles d'usuarios y recibió varios premios cierra de la nueche a la mañana. Al so xuiciu, esto demuestra el nivel d'improvisación ya ineficacia na que ta cada vez más sumíu esti gobiernu que, amás, nun tiene nengún empachu en dexar a los sos trabayadores na estacada, unviándolos a la cai. Noemí Martín resaltó que con esta midía tan incumpliendo la llamada Llei Caldera. “Tan demostrando con que tienen una gran sensibilidá social fomentando l'emplegu públicu y de calidá nos sectores de les nueves tecnoloxíes”, ironizó la diputada.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
