Menu

Laura González, candidata d'IX-BA-Verdes al congresu de los diputaos, visitó esta mañana'l mercáu de ganaos de Siero col oxetivu de conocer de primer mano lo que piensen les persones que viven nel mundiu rural. La candidata constató la preocupación de los propietarios de ganaderíes de carne o de lleche pola situación qu'atraviesen, el descensu de les esplotaciones n'Asturies. Nel añu 1982 había na comunidá autónoma 42.000 ganaderíes, güei hai menos de 4000, pero “si estes 4.000 vivieren bien, todavía, pero tovía siguen teniendo dificultaes”, señaló Laura González.

Laura González, candidata d'IX-BA-Verdes al congresu de los diputaos, visitó esta mañana'l mercáu de ganaos de Siero col oxetivu de conocer de primer mano lo que piensen les persones que viven nel mundiu rural. La candidata constató la preocupación de los propietarios de ganaderíes de carne o de lleche pola situación qu'atraviesen, el descensu de les esplotaciones n'Asturies. Nel añu 1982 había na comunidá autónoma 42.000 ganaderíes, güei hai menos de 4000, pero “si estes 4.000 vivieren bien, todavía, pero tovía siguen teniendo dificultaes”, señaló Laura González. Les persones que residen nes fasteres rurales siguen teniendo dificultaes en comparación a les que viven nes ciudaes y tamién tienen problemes los ganaderos pol preciu de la carne ya'l de la llechi. Ante la situación de pesimismu que viven los ganaderos, la candidata d'IX-BA-Verdes reclamará midíes pa evitar la despoblación del mundiu rural, que ya ye importante n'Asturies, pero de nun ser asina va ser más. “Queremos sintir lo que esta xente quier dicir”, desplicó la candidata a los medios de comunicación. Amás, prometió'l so sofitu a l'agricultura, la ganadería y la pesca, asina como da-y puxu a la producción ecolóxica.

La candidata acudió darréu al mercáu de La Pola, onde comprobó una vegada más que, sobre manera, las muyeres llaméntense de la xuba de la cesta básica de la compra. Xunto con Jesús Iglesias, Coordinador Xeneral d'IX d'Asturies, la candidata a diputada recordó que durante tola precampaña ellectoral la coalición va escuchar los problemes reales de los asturianos y va llevar darréu la so voz al congresu de los diputaos en Madrid. IX-BA-Verdes ye la única fuercia política que, a un mes de les eleiciones, fai campaña pa que los asturianos conozan los sos proyectos y sepan que votar a IX ye votar a un gobiernu real d'izquierdes.

El programa d'IX-BA-Verdes tien como exes cimeros la preocupación pol emplegu estable, el derechu a la vivienda como derechu soxetivu, el mediuambiente sostenible, onde nun caben nin la presa de Caliao nin la macroincineradora de Cogersa, nin la urbanización de la costa pa qu'Asturies siga siendo 'paraisu natural'. Laura González apuesta tamién pola participación ciudadana ne ellaboración de les polítiques, tal como ya ocurrió cuando IX tuvo nel gobiernu. “En realidá son les polítiques que venimos defendiendo dende haz munchos años n'Asturies y nel congresu de los diputaos” , desplicó la candidata al congresu.

Laura González aseguró que l'oxetivu ye que dende Asturies pueda oise la voz d'Izquierda Xunida. “Ye imprescindible que'l grupu parlamentariu d'IX sía más fuerte, sobre tou para desendolcar les polítiques d'izquierdes, pa qu'éstas sían les que se lleven al cabu”, dixo la candidata.