La eurodiputada axuntóse güei con responsables vecinales de Corvera
La eurodiputada d'IX, Ángela Vallina, axuntóse güei con responsables vecinales de Corvera coles mires de buscar soluciones a los ruios que sufre la población de distintes localidaes del conceyu de resultes de l'autopista A-8 y l'enllaz a Avilés. Vallina anunció que va presentar una entruga na Comisión sobre l'incumplimientu de la llei en materia de contaminación acústica y, tres ésta, un pidimientu con cuenta de la Unión Europea faiga cumplir al Estáu Español la normativa vixente.
Vallina axuntose colos presidentes de les asociaciones de Trasona y Villa y col conceyal d'IX Enrique Bonu, quien esplicó que, al pie de les iniciatives institucionales ta prevista la realización de movilizaciones, nun calendariu entá por determinar.
A la xunta nun pudo asistir el presidente de l'asociación vecinal de Molleda, a quién se-y va informar de les resultancies d'esti alcuentru y de les acciones na UE que se realicen yá que, esta localidá ye tamién una de les más afectaes pol ruiu producíu pol tráficu de l'A-8 (Autovía del Cantábricu).
La Unión Europea tien capacidá pa faer cumplir a España la normativa llegal y, en casu d'incumplimientos de los sos mandatos, d'imponer sanciones.
Ángela Vallina amosó les sos duldes al respective de la respuesta que pueda dar el Comisariu de Medioambiente, l'ex ministru del PP Miguel Arias Cañete, si tener en cuenta, dixo, el so perfil.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
