El grupu parlamentariu d'IX na Xunta Xeneral rexistra una Proposición Non de Llei nel parlamentu pa que José Ángel Fernández Villa, ex secretariu xeneral del sindicatu SOMA-UGT, sía revocáu como conseyeru d'Hunosa en representación de la Xunta Xeneral.
A xuiciu del voceru parlamentariu d'IX, Aurelio Martín, nestos momentos ye “indecoroso” que Fernández Villa siga representando al parlamentu rexonal.
“En política ye necesaria la contundencia y tamién tener en cuenta'l fondu, la forma y los tiempos”, sostien el voceru de la coalición. IX toma esta iniciativa cuidando que'l Partíu Socialista, qu'anunció que tomaría esta midida la selmana pasada, entá nun lo fixo y asina se punxo de manifiestu na Mesa de la Cámara que tuvo llugar al mediudía de güei. Tampoco lo fixeron los otros dos partíos, PP y Foro Asturies, que fueron los que respondieron por la candidatura conxunta de la que forma parte José Ángel Fernández Villa.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies