Emilia Vázquez, diputada d'IX d'Asturies na Xunta Xeneral, convida al diputáu de Foro Asturies Albano Longo a reordenar y esclariar el so idees al respective de asoceder esta mañana na comisión d'investigación sobre les presuntes “desapaiciones de documentos del Plan Territorial Especial Supramunicipal pa la área de tratamientu centralizáu de borrafes d'Asturies y de la contratación del Plan de Residuos”.
Vázquez recuerda al diputáu qu'IX, efectivamente, cuando taba nel Gobiernu oponíase a la construcción de la incineradora en tolos niveles onde se tomaron decisiones al respective de la mesma y que foi nesta dómina cuando allegaron a Asturies los representantes del BEI. La diputada de la coalición xuntu con representantes de Los Verdes axuntóse entós colos representantes del BEI por que éstos tuvieren argumentos pa nun sofitar la macroincineradora. Agora, la diputada sostien que nun esisten razones por que dichos representantes espliquen nesta comisión lo que públicamente ye conocíu.
De la mesma, convida a Albano Longo a mirar ente les sos files y preguntar a los suyos quién fueron los que, nes files del PP entós, llevantaron les sos manos pa sofitar en Cogersa y nos conceyos los planes de construcción y financiamientu de la incineradora. Mientres IX manifestó siempres la so oposición a la construcción illegal de la incineradora, otros o nun teníen posición o se guardaben de manifestala. “Lo que tien que faer ye preguntar ya investigar quién fueron el collaboradores necesarios ya imprescindibles de la incineradora y el so financiamientu”, alvirtió Emilia Vázquez.
Emilia Vázquez indica qu'Albaou Longo tendría de repasar les notes que güei tomó na Comisión pa dase cuenta de qu'IX votó a favor de la comparecencia de los responsables de la empresa Consulnima y del xerente de Cogersa y que éstes fueron aprobaes. Frente a l'actitú de Foru y los sos diputaos, IX nun quier utilizar una comisión y la xestión de borrafes pa enllamorgar, esleir les responsabilidaes y armar enforma ruiu a beneficiu de quien nun manifestaron una posición clara sobre la necesidá o non d'una incineradora pa la xestión de borrafes. ¿Va Haber que montar una comisión pa saber cuál ye la so postura?, pregúntase la diputada.
IX recuerda que la midida de les resultancies d'una comisión ye la calidá de lo que puedan apurrir los comparecientes y non la so cantidá. A pidimientu de la coalición van comparecer Belén Fernández, Conseyera de Fomentu; María Isabel Marqués García, ex Conseyera de Fomentu; Santiago Fernández, xerente de Cogersa, y dos altos funcionarios de la conseyería.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies