Menu

El vienres va someter a votación una Proposición Non de Llei sobre'l plan de víes de Xixón

Izquierda Xunida va apelar esta selmana a la Conseyera de Bienestar Social y Vivienda sobre la situación del salariu social n'Asturies.

Aurelio Martín, voceru parlamentariu d'IX, quien adelantró al termino de la Xunta de Voceres los asuntos que la coalición va llevar al plenu d'esta selmana, considera que les llistes d'espera de más de 5.000 ciudadanos son “inaceptables”, cuestionando la intención del Gobiernu d'aprobar una llei, yá que nun ye necesaria pa entainar la so xestión. “Lo que tien qu'haber ye voluntá política y presupuestaria y creemos que'l Gobiernu nesti casu lo que ta faciendo ye enredar. Pa nós ye una cuestión bien importante y vámos a pidir esplicaciones sobre les dificultaes reales p'allixerar esa llista d'espera”, esplicó Martín.

A la mesma Conseyera, y na sesión del xueves tamién, IX preguntará-y polos valoradores de la Llei de Dependencia, ya que la so sustitución puede suponer una paralización bien seria d'esta maltrecha normativa.

Na sesión del vienres, el grupu parlamentariu va someter a votación del restu de los grupos de la cámara una Proposición   Non de Llei d'IX sobre'l plan de víes de Xixón “por que ésti nun siga dormiendo'l suañu de los xustos”, como esplicó Aurelio Martín. Na mesma solicítase la implicación de los trés alministraciones: central, asturiana y local por que lideren un proyectu seriu, con memoria económica y calendariu pa que'l plan de víes llegue a bon puertu.

Presupuestos

A entrugues de los periodistes sobre los contactos pa la ellaboración del presupuestu, Aurelio Martín aseguró qu'a IX  tán empezando-y a llegar datos sobre'l proyectu presupuestariu, anque-y falten dalgunos como'l capítulu I, que van sirvir pa faer un primer analís pa ellaborar una propuesta alternativa que se va poner en conocencia del Gobiernu. “Nun tamos nel non pol non, nin vivimos de la tierra quemada pero vamos faer propuestes alternatives a la que fixo'l Gobiernu”, alvirtió.

La sensación de la primer xunta ye que ye una propuesta “continuista”, anque nestos momentos IX ta analizando más  a xeitu los datos y vamos ver si esa primer impresión confírmase. La propuesta d'IX va tener caláu social y seguro que van tener na so exa l'emplegu y el  caltenimientu del estáu del bienestar.