Menu

El coordinador d'Izquierda Xunida d'Uviéu, Alejandro Suárez, califica de “fechu escandalosu” que l'Ayuntamientu d'Uviéu ceda un nuevu terrenu públicu al Arzobispáu pa la construcción d'un Centru Parroquial en terrenos municipales de San Julián de Los Prados. “L'equipu de gobiernu municipal, con esta actuación, pásase pol forru los caprichos el calter aconfesional del Estáu y amás priva a los vecinos d'un bien que podría destinase a equipamientos públicos”. Suárez recordó que n'otros llugares dUviéu, como La Florida, dispón d'un flamante centru parroquial a cuenta de la xenerosidá del Ayuntamientu col Arzobispáu, mientres los sos vecinos carecen d'unes mínimes infraestruutures y equipamientos públicos.

El coordinador d'Izquierda Xunida d'Uviéu, Alejandro Suárez, califica de “fechu escandalosu” que l'Ayuntamientu d'Uviéu ceda un nuevu terrenu públicu al Arzobispáu pa la construcción d'un Centru Parroquial en terrenos municipales de San Julián de Los Prados. “L'equipu de gobiernu municipal, con esta actuación, pásase pol forru los caprichos el calter aconfesional del Estáu y amás priva a los vecinos d'un bien que podría destinase a equipamientos públicos”. Suárez recordó que n'otros llugares dUviéu, como La Florida, dispón d'un flamante centru parroquial a cuenta de la xenerosidá del Ayuntamientu col Arzobispáu, mientres los sos vecinos carecen d'unes mínimes infraestruutures y equipamientos públicos.

El dirixente d'Izquierda Xunida anunció que'l so grupu políticu presentó, la selmana pasada, alegaciones escontra la desafectación y cesión de terrenos municipales direutamente al Arzobispáu na parroquia de San Julián de Los Prados por dos razones fundamentales. En primer llugar “que la citada cesión de terrenos al Arzobispáu d'Uviéu pa la construcción d'un centru parroquial carez de cualquier tipu de motivación colo que la so execuión, ensin que se de nenguna razón que la xustifique, implica un comportamientu arbitrario d'esa Administración Pública que prohíbe espresamente l'artículu 9.3 de la Constitución Española”.

Alejandro Suárez entrúgase “¿ónde figura nel espediente de cesión de la parcela'l conveniu ente l'Ayuntamientu d'Uviéu y l'Arzobispáu que xustifique la cesión, y cuáles son les razones d'utilidá pública o interés social que xustifiquen l'usu relixosu d'esi patrimoniu, por encima de cualesquiera otros usos públicos a los que pudiera destinase, tales como educativos, sanitarios, culturales, recreativos, asociativos, deportivos o socio-asistenciales, por exemplu?”. Suárez afirma que nin se motiva, nin xustifica de nenguna manera por parte del Ayuntamientu que la citada parcela vaya a destinse a esi usu y non a otru de los que la llei prevé.

El segundu motivu d'alegación ye que l'axudicación direuta mediante cesión de la parcela municipal al arzobispáu d'Uviéu, pa la construcción d'un Complexu Parroquial, vulnera los artículos 14 y 16 en rellación col artículu 9 de la Constitución Española al non establecese nengún procedimientu que permita la concurrencia ente les diverses confesiones relixoses presentes na llocalidá pa l'accesu a los citaos terrenos con fines de cultu. Suárez reveló qu'otres administraciones municipales de distintu signu políticu puxeron unes regles d'axudicación previes, ye dicir un concursu, y previa información pública, abriendo la posibilidá de que distintes organizaciones relixosas opten al solar o solares que s'ufierten, axudicándolos al proyectu que sía mas ventayosu, non dende'l puntu de vista económicu, y si dende l'interés pa la colectividá. El coordinador d'Izquierda Xunida d'Uviéu entrúgase por qué l'Ayuntamientu nun actuó de la mesma manera.