El voceru d'Izquierda Xunida nel Congresu, José Luis Centella, afirmó que ta “satisfechu y contentu” pol acercamientu de relaciones ente Cuba y EE.XX, de la que reclamó al Gobiernu español que “xuegue un papel positivu” y sía el “garante” n'Europa pa normalizar los venceyos cola isla.
“Esperamos qu'España xuegue un papel positivu. Nun puede tenese una doble vara de midir pa Cuba y otra pa otros países. Pidimos al Gobiernu que s'implique pa normalizar la situación de la isla ante la Unión Europea y acabar cola Posición Común de la UE al respective de Cuba”, señaló Centella en declaraciones a los medios de comunicación nos pasiellos del Congresu.
Pa José Luis Centella, qu'amás de diputáu ye secretariu xeneral del PCE, los 50 años de bloquéu económicu y políticu estadounidense “nun pudieron acabar cola voluntá del pueblu cubanu”. Consideró que al presidente de EE.XX, Barak Obama, nun-y quedó otru remediu que reconocer que tolos años de “bloquéu y de presión” nun sirvieron pa nada.
La decisión de Washington y de L'Habana dexa “acabar con una situación anómala”, xenerada principalmente a cuenta de un bloquéu inxustu ya inhumanu que llevó al sufrimientu a munches persones inocentes de Cuba”.
Con too, Centella reconoció que “tamos al entamu d'un camín que namá puede tener un final si resuélvese la gran agresión del bloquéu”.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
