Aurelio Martín, voceru parlamentariu d'IX na Xunta Xeneral y presidente de la ponencia de la Llei de Tresparencia, esplicó esta mañana al términu de la xunta que la ponencia decidió incorporar al testu normativu l'informe de técnica lexislativa de los lletraos de la Cámara, lo que significa “prácticamente faer la llei de nuevu”.
Según les sos palabres, los grupos parlamentarios tienen disposición pa faer lleis que puedan ser referencia pal conxuntu de los ciudadanos y que tean al altor de la rexeneración política que precisa'l parlamentu y Asturies y toos van faer un esfuerzu pa refaer estos dos lleis “que nos mandó'l Gobiernu y yeren bien deficientes”, refiriéndose tamién a la Llei de Bon Gobiernu, que ta igualmente en tramitación.
L'oxetivu de los ponentes, como esplicó Aurelio Martín ye aprobar les lleis esta llexislatura, anque se retrase un pocu'l calendariu de trabayu inicial previstu. Nos próximos díes los lletraos del parlamentu van faer un informe de les enmiendes presentaes polos distintos grupos y que puedan ser oxetu d'un votu mayoritariu pa poder siguir el trabayu y preve que la ponencia pueda axuntase a finales de la próxima selmana.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
