Aurelio Martín acusa al xefe del executivu de sumase a la "tómbola" fiscal del PP como colofón a un gobiernu ensin llideralgu que dexa a Asturies peor de lo que taba
Les entrugues al Presidente convirtiéronse güei nun balance de l'acción de Gobiernu de Javier Fernández que, a xuiciu d'IX, nun llogra l'aprobáu. El voceru de la formación, Aurelio Martín pidió al xefe del executivu asturianu que respondiera respectu al grau de cumplimientu del so programa yá que, aseguró, les realizaciones efectivamente feches poco tienen que ver coles prometíes.
Frente al trunfalismu de la xestión que dacuando dimana de les intervenciones de Javier Fernández, Aurelio Martín recordó que güei hai n'Asturies mil paraos más que cuando empezó la so llexislatura, 3.400 persones en llista d'espera del Salariu Social, 1.500 persones esperando por una plaza nuna residencia de mayores o un deterioru palmariu de la sanidá.
“Creemos que'l presidente incumplió la mayor parte del programa col que se presentó y, amás, acabó la llexislatura xubiéndose a la tómbola fiscal y electoral del PP”, afirmó'l diputáu. Y ye que l'acción de Gobiernu del PSOE de Javier Fernández, añedió, nun pudo ser más decepcionante ensin lideralgu y asitiando a Asturies nuna situación peor que la qu'atopó.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies