Menu

El voceru parlamentariu d'Esteriores de La Izquierda Plural parafrasia a Galeano y señala que “América Llatina yá nun tien les venes abiertes”, magar que “entá atopamos n'Europa y en EE.UU vieyes miraes cargaes de la señardá d'otros tiempos”

El voceru parlamentariu d'Esteriores d'IX, ICV-EUiA, CHA. La Izquierda Plural, Joan Josep Nuet, esplicó esta tarde'l refugu d'esti grupu parlamentariu al testu de la proposición non de llei del Partíu Popular relativa a la lliberación del dirixente venezolanu Leopoldo López, que'l so conteníu final el partíu de Mariano Rajoy apautó col Grupu Socialista al traviés d'una enmienda. Nuet alvirtió de la hipocresía” que zarra esta iniciativa y recordó qu'el so oxetivu principal ye actuar contra'l “lexítimu Gobiernu venezolanu”, mientres sofita nel so conxuntu a una oposición nesti país que se decantó por una estratexa d'abandonu de la vía democrática y vuelve a la estratexa del golpe d'Estáu y la violencia caleyera contra instituciones y funcionarios públicos. A eso ye a lo que güei nos piden sofitu”.

Nun alderique broncu poles continues alusiones directes ente los voceros popular y socialista, per un sitiu, frente al restu de parllamentarios de les formaciones que refuguen la proposición, por otru, -lo que motivó un retruque final por alusiones ente dellos d'ellos, incluyíu Nuet-, el diputáu d'IX denunció la campaña internacional de desinformación” sobre la realidá política venezolana, de la que tanto EE.UU como'l Gobiernu y determinaes instancies y medios españoles nun son ayenos.

Joan Josep Nuet nun aceptó les continues alusiones del PP al talante antidemocráticu’ que supuestamente evidenciaríen quien nun tean acordies coles sos indicaciones. Encamentó a los ‘populares’ que tendríen de pidir perdón”, como solicitó apocayá nel Cume de les Américas el presidente bolivianu, Evo Morales, igual que toos aquellos que “participen nel acoso y les campañes orquestadas contra'l Gobiernu democráticu de la República Bolivariana de Venezuela”.

El parllamentariu catalán parafrasió a Eduardo Galeano, fináu ayeri, y recordó a los sos interlocutores que “América Llatina yá nun tien les venes abiertes”, como denunciaba l'escritor y activista d'izquierda uruguayu. Magar ello, “entá atopamos n'Europa y en EE.UU vieyes miraes cargaes de la señardá d'otros tiempos, de la mirada neocolonial europea y de la mirada del patiu traseru’”, como consideraben a Llatinoamérica les distintes alministraciones norteamericanes.

Pa Nuet, l'alderique d'esta proposición non de llei “ye bien característicu de la derecha europeo y norteamericano, pero güei nun constitúi nin tanto una posición con respaldu llatinoamericanu, de la so sociedá civil y de los sos gobiernos de distintu signu políticu”.

Ente ostensibles protestes de la bancada popular’, recordó'l precedente” del sofitu del PP a postures antidemocrátiques, como'l sofitu, xustificación y comprensión del Gobiernu de José María Aznar al intentu de golpe d'Estáu contra'l presidente Hugo Chávez en 2002”.

Nuet aseveró que “tamos col pueblu de Venezuela y col so Gobiernu democrático y lexítimo, y pollo vamos votar en contra d'esta hipócrita iniciativa”. Aseguró al PP que “ye almitible que defendan el pidimientu d'un xuiciu xustu, pero non que se ponga en llibertá a los criminales”.