Menu

Manuel González Orviz, coordinador d'IX d'Asturies, y Francisco de Asis Fernández, secretariu xeneral del PCA acompañaos de Cayo Lara, Coordinador federal d'IX, presentaron esta mañana l'alcuerdu políticu al que llegaron dambes formaciones.

Manuel González Orviz esplicó qu'esti alcuerdu que pon fin a años de desencuentros orgánicos, que non políticos, y asitia a IX como referente electoral del Partíu Comunista d'Asturies. Al so xuiciu tratase d'un asuntu importante dáu'l so algame internu y esternu yá que  va sirvir pa encarar xuntos los principales problemes de los ciudadanos que nun son otros que'l paru, la probeza enerxética, la desestructuración social… problemes toos ellos qu'esixen una solución dende la izquierda. “Queremos poner la organización al serviciu de los ciudadanos y ufiertar soluciones”, resumió'l coordinador d'IX d'Asturies, quien tamién aseguró qu'ésti ye un puntu de partida pa siguir trabayando.

El secretariu xeneral del Partíu Comunista d'Asturies amosóse “especialmente arguyosu” de volver formar parte de la única fuerza político con representación estatal qu'hai defendiendo siempres l'emplegu, lo público, les prestaciones sociales o'l derechu a la vivienda, ente otres cuestiones, y frente a otres organizaciones “que-y faen el caldu gordu a la Corona”. Francisco de Asis Fernández aseguró qu'esti alcuerdu significa superar “ocho años de desencuentros absurdos” que les sos causes prefirió nun entrar a valorar, porque dixo “el pasáu nun m'interesa, interésame solo'l porvenir”. Nun día que definió como “solemne y hestóricu”, el secretariu xeneral del PCA sostuvo qu'el  PCA dexa les competencies electorales ya institucionales a IX, “que ye'l nuesu proyectu políticu”, faciendo prevalecer   les cuestiones polítiques sobre otres como les de les sedes o cuestiones organizativas.

“Los comunistes del PCA volvemos a IX pa quedanos, p'apurrir la nuesa política a IX, venceyanos y cohesionarnos con ella, quedemos en mayoría o en minoría, y apurrimos la implantación de la nuesa xente y los nuesos cuadros pa fortalecer el proyectu políticu”, aseguró na see d'IX d'Asturies Francisco de Asis Fernández.

El coordinador federal d'IX, Cayo Lara, qu'esta tarde va participar n'Uviéu nel zarru de la Selmana Republicana del PCA, aseguró qu'esti alcuerdu coincide col lema d'IX, “tiempu d'izquierda” que pretende falar de la unidá de la izquierda frente al ataque de les polítiques neolliberales que tanto dañu tán faciendo a les clases trabayadores. “Güei siéntome arguyosu d'esti alcuerdu nel que prevalez la necesidá d'unificar les diferencies qu'había. Güei solo queda congratularse”, concluyó'l coordinador federal.