El coordinador d'IX d'Asturies, Jesús Iglesias, adelantó güei la intención de la coalición de rellanzar el proyectu políticu n'Asturies con una asamblea de militantes que se va cellebrar el día 30 de payares y el 1 d'avientu, a la que tan previsto asistan más de 500 delegaos. Al mesmu tiempu, va ponese en marcha una campaña d'afiliación pa reforzar a IX como alternativa de la izquierda tresformadora na rexón.
IX d'Asturies va rellanzar el so proyectu políticu cola cellebración d'una asamblea en payares
El coordinador d'IX d'Asturies, Jesús Iglesias, adelantó güei la intención de la coalición de rellanzar el proyectu políticu n'Asturies con una asamblea de militantes que se va cellebrar el día 30 de payares y el 1 d'avientu, a la que tan previsto asistan más de 500 delegaos. Al mesmu tiempu, va ponese en marcha una campaña d'afiliación pa reforzar a IX como alternativa de la izquierda tresformadora na rexón.
Jesús Iglesias compareció ante la prensa xunto vol responsable d'organización del partíu na rexón, Ángel González, dwmpués de dar a conocer esta iniciativa a los miembros de la Presidencia colexada de la organización n'Asturies y pa esplicar cómo va ser esti procesu.
L'asamblea de militantes tien como oxetivo ciemeru rellanzar el proyectu políticu d'IX d'Asturies, reafirmar les sos idegues -la tradición roxa y comunista, col refuerzu de los valores asturianistes y ecologistes-, analizar la nueva realidá política n'Asturies conformada por un gobiernu en minoría que crea una situación d'incertidumbre, e incentivar a los militantes a sofitar la llabor cotidiana de cara a les prósimes ellecciones xenerales de marzu.
El Coordinador d'IX d'Asturies, Jesús Iglesias tamién plantegó esti “rellanzamientu” como un revulsivu internu, una llamada a la participación activa del conxuntu de la militancia nes grandes decisiones qu'hai que tomar nel procesu de consultes nel ámbitu federal que ta en marcha t amestar a munchas persones que se acercaron a IU nos últimos meses.
Ángel González, Secretariu d'Organización y Finanzes d'IX d'Asturies concretó en alrodiu de 500 persones los nuevos militantes qu'esperen con esta nueva campaña d'afiliación, pa que dempués de l'asamblea IX supere los 5.000 afiliaos.
El Secretariu d'Organización aseguró que cola reforma de los estatutos IX d'Asturies quier conseguir que la realidá federal de la organización funcione na rexón, como ya ocurrió n'otros llares, como Cataluña, País Vascu, Valencia y Madrid poro qu'apuntó que los nuevos estatutos van incorporar cambios "qu'acentúen esi calter federal y de soberanía d'IX nel Principáu”.
La intención d'IX con esta asamblea, en pallabres de Jesús Iglesias, ye d'algamar un rellanzamientu como “revulsivu internu” pa ser “un referente cada vez más fuerte pala izquierda tresformadora n'Asturies”.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies