Menu

Valledor recordó que'l Palaciu de Xusticia d'Uviéu nun respuende a les necesidaes, ni del momentu en que se fizo, ni muncho menos a les actuales.La entrada en funcionamientu de dos nuevos xuzgaos n'Uviéu pon n'evidencia la dispersión d'equipamientos xudiciales, en Comandante Caballero, en La Ería, en  Jovellanos y los palacios históricos.

L'abandono del proyectU de la “CiudÁ de la Xusticia d'Uviéu” -nos terrenos del Hospital Central d'Asturies que van quedar lliberaos tres el so treslladu al nuevu HUCA- nun namái mantién en precariu el desenrrollu d'un serviciu públicu esencial nesta ciudá, teniendo en cuenta les graves deficiencies funcionales y estructurales de les actuales instalaciones xudiciales, puestes de manifiestu reiteradamente por tolos sectores implicaos en la xusticia, sino que supón renunciar a una ambiciosa empresa que diba resolver la dispersión y penuria de les actuales sedes xudiciales de la capital de la nuesa Comunidá Autónoma.

Los poderes públicos deben prestar a la Xusticia, como un serviciu públicu esencial pa los ciudadanos, los medios necesarios pa llevar a cabo la función constitucional que tienen encomendada. Se tien, por tantu, dotar a los xueces y magistraos, al personal de l'Alministración de Xusticia, a los operadores xurídicos y, en xeneral, a les ciudadanes y ciudadanos de las meyores condiciones pal correctu desempeñu d'esta función. Embaxo estos principios, resulta imprescindible abordar la planificación, diseñu y construcción de la nueva “Ciudá de la Xusticia” d'Uviéu que tendrá d'axustase a los parámetros d'eficacia, seguridá y previsión de futuru.       

Alejandro Suárez, Coordinador d'IU d'Uviñeu, calificó de “mala noticia pa la ciudá” el rechazu a esti proyectu y allertó de que si nun se lleva a cabu corremos el riesgu d'especulación con estos terrenos públicos donde güei s'asienta l'Hospital Central. Esti espacu, xunto col de la Fábrica de la Vega, van decidirán nun futuru qué ciudá quieren tener los ovetenses, aseguró Suárez. “La decisión de la Conseyera nun puede ser namás criticada dende el puntu de vista de serviciu públicu, sino porque tamién coloca una gran masa de terréu nun barriu mui castigáu ya, en manes de la especulación”, esplicó Suárez na Xunta Xeneral. 

En Xixón el diputáu de la coalición y el  Coordinador d'Izquierda Xunida de Xixón, Jesús Montes Estrada,  espresaron  la so profunda discrepancia coles afirmaciones fechws pola Conseyera de Xusticia, María José Ramos, na so comparecencia del pasáu llunes na Xunta Xeneral del Principáu, na qu'aseveró que'l proyectu del nuevu palaciu de xusticia de Xixón nun yera prioritariu pa la conseyería y que nun se diba licitar la so construcción nesti añu 2007.

Montes Estrada afirmó que'l proyectu nació “gracies a la rellación modélica ente l'Ayuntamientu y la Conseyería na pasada llexislatura”. El nuevu palaciu de xusticia va tar ubicáu nos terrenos de l'antigua bohemia, que cedió l'Ayuntamientu “como permuta cola antigua fábrica de tabacos de Cimavilla”. Amás recordó qu'una vegada que la permuta fuí efectuada, la Conseyería entamo a trabayar “na igua d'un proyectu acorde coles necesidaes, consultando colos sectores interesaos”.

Pola so parte, Valledor fizo un resumen de los pasos que se ficieron dende la Conseyería de Xusticia hasta la so salida de la miema. Nesti sen, recordó que a partir del 1 d'ochobre de 2006, fecha na que'l Principáu asumió les competencies na materia, desenrrollose una programación pal serviciu, que consideraba prioritaria l'actuación en Xixón. “Tres facer les consultes previes colos distintos collectivos implicaos, desendolcó un plan funcional que fuí presentáu en febreru de 2007” . Asina, recalcó que nel Presupuestu de 2007 de la Conseyería, “consignéronse casi 3 millones de € pa construcción, de los cuales un millón van tar empobinaos pa la licitación del proyectu de construcción de Xixón”. D'esta manera, señaló que les previsiones yeran que “una vez aprobáu el proyectu, la obra podía licitae en Mayu de 2008, con un plazu másimu de 24 meses, colo que a metá de 2010 l'equipamientu podía tar en funcionamientu”. Sobre'l problema de financiación espresáu pola Conseyera el llunes, Valledor la desmintió, ya que “la previsión yera la venta del solar qu'ocupen anguaño les dependencies de Xusticia na cai Prendes Pando, que según dalgunes consultes feches, podría suponer unos 30 millones d'euros” colo que la viabilidá económica taba asegurada. Valledor terminó aseverando que cola “inesplicable paralización del proyectu, Xixón nun diba disponer de Palaciu de Xusticia nesta llexisllatura”.

Por todo ello, tanto Montes como Valledor espresaron que les declaraciones de la Conseyera son “inesplicables”, y que namás pueden responder a “un procesu d'involución de les polítiques desarrollaes por IX na pasada llexisllatura”. Nesi sen, el coordinador xixonés afirmó "que'l Proyectu de Palaciu de Xusticia ye una de les apuestes pa la ciudá, ya que'l nivel de dispersión de los servicios xudiciales na ciudad ye total, en desaniciu d'un serviciu de calidá pa los ciudadanos y les ciudadanes”. El diputáu presentó una Proposición non de Llei presentada na Xunta Xeneral na que se insta al Conseyu de Gobiernu a licitar de manera inmediata el Palaciu xixonés.