Menu

La gran mentira del presupuestu del Principáu d'Asturies pal prósimu añu comienza a desmoronase, al mesmu tiempu que se van conociendo les cifres que fueron negaes, per activa y per pasiva, a IX-BA-Verdes. L'aprobación de los presupuestos del ERA, Establecimientos Residenciales Asturianos, dexa al descubiertu la verdadera política d'Areces que se escuende tres de los grandes anuncios publicitarios.

La gran mentira del presupuestu del Principáu d'Asturies pal prósimu añu comienza a desmoronase, al mesmu tiempu que se van conociendo les cifres que fueron negaes, per activa y per pasiva, a IX-BA-Verdes. L'aprobación de los presupuestos del ERA, Establecimientos Residenciales Asturianos, dexa al descubiertu la verdadera política d'Areces que se escuende tres de los grandes anuncios publicitarios.

Areces anunció un incrementu global del presupuestu d'Asturies que supón el 7% con respectu al anterior, calificáu a la vez, como el más social de la historia d'Asturies. Ensín embargu, el presupuestu pa Establecimientos Residenciales Asturianos presenta claramente un puntu d'inflesión con respectu a los anteriores. El crecimientu pal prósimu añu namás representa un aumentu del 4,64%, pasando de 86.341.434 euros a 90.550.970 euros. Les inversiones, nesti organismu públicu, lloñe de facer valer esi incrementu presupuestariu disminuyen en más de seis millones d'euros. En 2007 les inversiones del ERA n'Asturies supusieron 16.191.574 euros, mientres pa 2008 estes cifres baxen a 10.379.203, tal como recuerda la diputada d'IX-BA-Verdes, Noemí Martín. A xuiciu de Martín, les cuentes presentaes esta mesma mañana nel Conseyu d'Alminsitración del ERA, ponen de manifiesto claramente la nula capacidá inversora pal prósimu añu. “El Gobiernu d'Areces namás tien intención de continuar les obres en marcha, ensin entamar nenguna nueva”, asegura Noemí Martín. La representante del Ayuntamientu de Llaviana, d'IX-BA-Verdes, votó escontra d'esti presupuestu, ya que representa una clara involución con respectu a les polítiques llevaes a cabu pola coalición durante la última llexislatura. Del mesmu mou, solicitó un incrementu presupuestariu asemeyáu al del añu anterior pa poder crear más plazes residenciales. L'incrementu del año 2007 nel que gobernaba IX, con respectu al 2006, fuí de 17.862.124 euros, un 26,08% más y ente los años 2005 y 2006 fuí del 23,81%. Datos nesti gráficu

Por si estos númberos nun fuesen suficientes, los representantes socialistes nel muérganu de gobiernu d'Establecimientos Residenciales Asturianos aprobaron una subida de los precios públicos, aquellos que paguen los mayores asturianos, que supón un incrementu del 13% con respectu a 2007, cuando durante los últimos años fue del 6%, p'averase a la subida de pensiones. El prósimu año el coste d'una plaza va subir a 1.200 euros, mientres que durante esti añu el importe yera de 1.061 euros, 140 euros más supón una subida “abusiva” pa pensionistes. Col incrementu previstu, el Gobiernu del Principáu d'Asturies, va cobrar a los usuarios de les residencies públiques asturianes, como recuerda la diputada Noemí Martín, más que la mayoría de les residencies privaes de la comunidá autónoma.