Menu

Jesús Iglesias, portavoz del grupu parlamentariu d'IU-BA-Verdes,  aseguró con respecto al discursu del presidente Areces nel debate del estáu de la rexón, que ye'l discurso menos políticu y más burocráticu qu'escuchó d'Areces como presidente, probablemente pol fechu de que se dió a escasos meses de la so toma de posesión.

Jesús Iglesias, portavoz del grupu parlamentariu d'IU-BA-Verdes,  aseguró con respecto al discursu del presidente Areces nel debate del estáu de la rexón, que ye'l discurso menos políticu y más burocráticu qu'escuchó d'Areces como presidente, probablemente pol fechu de que se dió a escasos meses de la so toma de posesión.

El portavoz d'IU-BA-Verdes na Xunta Xeneral destacó dellos ellementos que llamen la atención. Areces afirmó na so intervención que la política nun puede convertise nun llastre pal desenrrollu d'Asturies. Esta reflesión “de calter filosóficu y xeneral”  nun indica un riesgu real n'Asturies, pero sí supón un reconocimientu espresu, a xuiciu d'Iglesias, de que'l gobiernu socialista nun tien sofitos suficientes na cámara pa sacar alante les sos propuestes. “A mí, al menos, esi reconocimientu públicu si me resulta positivu porque nel debate públicu que se dió nel tiempu transcurríu dende la investidura,  la reflesión más sotenía, por parte de los portavoces socialistes, yera qu'ellos podíen gobernar en solitariu, como si tuvieren mayoría asoluta”, afirmó'l Coordinador Xeneral d'IU d'Asturies.

Pese a ser esta la frase qu'articuló'l discursu, el portavoz d'IU-BA-Verdes resaltó la ausencia del pasu siguiente: pidir consensu. “Fuí una reflesión nel campu de la filosofía política que quedó nel aire”, según Iglesias.

De los tres bloques nos que s'articuló el discursu del presidente Areces, el primeru d'ellos, nel que se refier a las llínies del proyectu de presupuestos, nun dexa de ser la enumeración de los proyectos conteníos nel programa ellectoral del PSOE y  nun supón  denguna novedá sobre lo dicho n'anteriores ocasiones, como subrayó'l portavoz d'IU-BA-Verdes. En rellación cola concertación social y l'Estatutu d'Autonomía, Jesús Iglesias considera qu'estes referencies fueron más escases y ocuparon un 20% del tiempu del presidente Areces. La concertación social, como recordó Iglesias, fuí un asuntu que “casi tuvimos qu'imponer al gobiernu durante la negociación na anterior llexisllatura” y, en consecuencia, IU-BA-Verdes nun necesita denguna llección sobre la importancia de la concertación social. IU-BA-Verdes, en pallabres del so portavoz, aspira a que la negociación abierta dé llugar a un buen alcuerdu que nun garantice namás la paz social, sino que respuenda a las necesidaes de desenrrollu económicu y social d'esta comunidá autónoma -que ye muncho más importante-. “Los dos primeros alcuentros nun respuendieron a esa propuesta ya que'l gobiernu acudió ensin facer los deberes y con unos documentos que les organizaciones sindicales y empresariales consideren insuficientes”, según el portavoz d'IU-BA-Verdes.

De les pallabres d'Areces sobre l'Estatutu resulta mui difícil pa la coalición  saber cuala ye la visión de los conteníos d'esi Estatutu que, a´l so xuiciu, deben incorporase, en tantu que se dedicó a enumerar los títulos xenerales ensin parase a desgranar los conteníos como recordó Iglesias. “IU-BA-Verdes quier un Estatutu d'Autonomía que tamién respuenda a los problemes d'Asturias pero que xurda ensin llastres, ensin el llastre de dir avanzando nel sentíu de que nun tolo que tien encaxe constitucional -y poro tantu ye posible- resulta adecuáu y conveniente” esplicó, por últimu, el portavoz de la coalición na rueda de prensa posterior a la intervención d'Areces.