La diputada María José Miranda rexistra una serie d'entrugues sobre l'ayuda de 300 euros a esplotaciones de baxa rentabilidá, sobre'l preciu mínimu que demanden los sindicatos y les midíes qu'asume'l Principáu pa garantizar la continuidá del sector ante'l fin de la cuota láctea
María José Miranda, diputada na Xunta Xeneral, responsable de Desenvolvimientu Rural nel grupu d'IX, quier conocer la valoración del Conseyu de Gobiernu en relación al Plan Lácteo dáu a conocer pol Ministeriu d'Agricultura. Al traviés d'una serie d'entrugues per escritu, la diputada entruga qué posición tien l'executivu asturianu sobre la midida adicional d'ayuda de 300 euros a esplotaciones de baxa rentabilidá qu'adelantró la Ministra o si, otra manera, sofita'l conseyu de Gobiernu la demanda d'un preciu mínimu” de les organizaciones sindicales similar al modelu francés. Sía que non, la diputada quier conocer los compromisos qu'asume'l Principáu pa garantizar la continuidá del sector n'Asturies ante'l fin de la cuota láctea.
Miranda recuerda, na esposición de motivos de les entrugues, que'l Ministeriu d'Agricultura presentó'l Plan Lácteo con una docena de midíes sectoriales destinaes a los operadores y namái de calter voluntariu. Ente otres midíes tán les de dar valor al productu, la fusión de cooperatives y la denominación d'orixe, col fin de faer frente a la fin de les cuotes lácteas. Sicasí, les organizaciones sindicales consideren insuficientes l'encamientu realizáu pol Ministeriu a la Industria sobre un preciu remunerador” y piden que se garantice un preciu mínimu que cubra los costos de producción siguiendo los pasos de Francia.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies