Güei tócanos a nós ser solidarios, otros fuéronlo con nós nun hai munches décades.
Izquierda Xunida d'Asturies sumase a la convocatoria de CC OO y UXT pa manifestase'l próximu domingu, en Xixón, en solidaridá colos refuxaos que tán llegando a Europa. El diputáu autonómicu Ovidio Zapico, tres una xunta con dambes centrales y otros grupos políticos, reivindicó güei una solución a esta situación que pasa, dixo, por una acción "tresversal", qu'implique a toles alministraciones, dende la central, a la municipal, pasando pola autonómica. Zapico fixo un llamamientu a la participación ciudadana pa tratar de que s'ufierte una solución digna.
L'acoyida de los refuxaos, esplicó Zapico, ye una cuestión llegal, amparada pol derechu internacional, pero tamién una cuestión de memoria y decencia. "Güei tócanos a nós ser solidarios, otros fuéronlo con nós nun hai munches décades. Poro, tenemos que tener memoria, tenemos que recordar y tenemos que devolver lo que nel so día otros nos dieron. Abasta yá de que'l Mediterráneu sía un inmensu ataúd, abasta yá de camiones de la muerte. Deamos la bienvenida, síamos humanitarios, síamos solidarios con estos refuxaos qu'agora lleguen".
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies