El voceru parlamentariu d'Izquierda Xunida nel Congresu, José Luis Centella, reclamó güei un “gran alderique internacional” sobre la situación de crisis que punxo n'evidencia la traxedia de los refuxaos que lleguen a Europa en fuxendo de los conflictos armaos qu'afaren los sos países. Amás, Centella considera necesariu qu'el mesmu Congresu de los Diputaos acueya un alderique sobre'l papel que tien de tener España nesta crisis de refuxaos, principalmente d'orixe sitio, iraquín y afganu.
Na rueda de prensa posterior a la xunta de la Xunta de Voceros de la Cámara Baxa, el diputáu d'IX reprochó la decisión tomada pol presidente del Gobiernu, Mariano Rajoy, de negase a dexar un alderique parlamentariu sobre esti asuntu. Al tiempu, aportunó en que tienen de buscase “soluciones n'orixe” a estos conflictos, más allá de les respuestes puntuales que tamién tienen de dase pa l'acoyida de los refuxaos y del “terrible cinismu qu'hai nes relaciones internacionales”.
Valoró de forma concreta que “nun hai solución pa la guerra de Siria ensin cuntar col Gobiernu” d'esti país y amosóse convencíu de la necesidá de que se produza una negociación” como única vía pa llograr “una salida que resuelva'l problema global”.
Pal parllamentariu d'IX hai que refugar la vía armada como elementu de resolvimientu de los conflictos”, de la que denunció que “desque la OTAN reforzó les intervenciones militares namái'l petróleu ta agora más seguru”.
Sobre esta mesma cuestión, José Luis Centella sollertó que'l zarru de les sos fronteres decidíu por dellos Estaos de la Unión Europea ante la llegada de refuxaos namá sirve pa fortalecer “el fascismu y el racismu”. Repitió que la solución al drama migratoriu nun va llegar “blindando” a la Unión Europea.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies