El grupu parlamentariu d'IU-BA-Verdes na Xunta Xeneral del Principáu ve con preocupación y decepción el conveniu firmáu ayeri pol Ministru Caldera, el Presidente Areces y l'Alcaldesa de Llangréu, pa la construcción del Centru de Discapacitaos de Llangréu. Pa la diputada Noemí Martín el documentu rubricáu supón un desaniciu con respecto al conveniu ellaboráu y firmáu pol mesmu ministeriu y la Conseyería de Vivienda y Bientar Social -dirixía por IU- en xunetu de 2006 en conteníos, inversión, ubicación, plazes y xestión, y tamién con respecto a los avances posteriores na concrección de la infraestructura.
El grupu parlamentariu d'IU-BA-Verdes na Xunta Xeneral del Principáu ve con preocupación y decepción el conveniu firmáu ayeri pol Ministru Caldera, el Presidente Areces y l'Alcaldesa de Llangréu, pa la construcción del Centru de Discapacitaos de Llangréu. Pa la diputada Noemí Martín el documentu rubricáu supón un desaniciu con respecto al conveniu ellaboráu y firmáu pol mesmu ministeriu y la Conseyería de Vivienda y Bientar Social -dirixía por IU- en xunetu de 2006 en conteníos, inversión, ubicación, plazes y xestión, y tamién con respecto a los avances posteriores na concrección de la infraestructura.
Noemí Martín recordó que la construcción d'esti centru de referencia estatal ye fruto de la movilización social y de la intervención parlamentaria promovía por IU-BA que llevó a qu'en xunetu de 2006 fírmase un protocolu col Ministeriu de Trabayu y Asuntos Sociales onde consta que va ufiertar servicios de: asistencia personal, cuidáu de la salú, manutención y agospiu en réximen d'internáu o d'atención diurna, rehabilitación médico-funcional, entrenamientu na autonomía personal y rehabilitación psicosocial y sofitu familiar, pero tamién va tener usos de calter científicu-técnicu y va desendolcar servicios y programes en materies rellacionaes col collectivu de referencia. Posteriormente a esta fecha l'alministración rexonal y la nacional llegaron a alcuerdos, nun escritos, que sobrepasen el conveniu firmáu ayeri, tal como subrayó la diputada d'IU-BA-Verdes.
La diputada aseguró que'l conveniu nun concreta'l conteníu d'esti centru de referencia estatal, la so cartera de servicios y descarta, amás, que tenga un conteníu sanitariu, nun namás quirúrxicu. La resolución de la Xunta Xeneral, sofitada por tolos grupos parlamentarios, establez que se trata d'un centru sociu-sanitariu que podría facer rehabilitación médico-funcional. “Güei esti conveniu descarta cualquier xera quirúrxica o clínica”, afirmó Noemí Martín, quien tamién añadió qu'esta inclusión nun supondría duplicar servicios con respecto al restu de la rede sanitaria asturiana, sino cumplir cola propia definición fecha pol Ministeriu pa esti tipu de centros.
Con respecto a la inversión, la diputada recordo que la Conseyería de Vivienda y Bientar Social avanzó nes negociaciones posteriores a la firma del protocolu hasta llegar a una cantidá de 16 millones d'euros. Nestos momentos la partida anunciada ye de 12 millones, cuatro millones por debaxo de la media del coste d'otros centros de referencia estatal presupuestaos o construíos va pocu tiempu, como'l de San Andrés de Rabanedo.
Ubicación. La finca d'Ameredal, en Barros, tampocu acueye les especiales condiciones que deben tener los espacios dedicaos a un centru d'estes característiques, a xuiciu de Martín. Los plategamientos esplicitaos por IU-BA al Ministeriu d'Asuntos Sociales yeren los d'un terrén d'ente 20.000 y 30.000 metros cuadraos nun espaciu abiertu -pa posibles ampliaciones- y bien comunicáu y averáu a los centros públicos hospitalarios. Nel conveniu firmáu ayeri establécese una parcela de 14.000 metros cuadraos que nun cumple colos requisitos anteriores. Como tampocu lo faen el númberu de plazes, 180 na actualidá, cerca de 250 nos planes de la Conseyería d'IU, incluyendo les del centru de día y los apartamentos. Martín considera tamién que la ratio de personal firmada “ye mui baxa”, d'ente 0,75 y 1 persona por cada plaza asistencial.
En cuanto a la xestión, l'alcuerdu al que se llegó representaba compartila ente'l Gobiernu del Principáu y el Ministeriu, y l'Ayuntamientu, si asina lo creía oportuno. Nestos momentos ya se diz que va ser xestionáu namás pol Ministeriu d'Asuntos Sociales, dende Madrid, colos inconvenientes que supón, tanto na contratación de personal como nel día a día. “Nosotros entendemos que ye un error que'l Principáu nun participe na xestión”, dixo Martín
Les consecuencies d'esti conveniu, de nun ser camudáu, van ser la pérdida de dos oxetivos permanentes nel debate: prestar una atención integral a les persones con graves problemes o discapacidaes neurolóxiques -que güei nun ta garantizada porque queda fuera la parte sanitaria- y porque con esti centru nun se va evitar que sigan produciéndose desplazamientos a otros centros, como'l de Toledo, pa recibir una atención integral.
IU-BA-Verdes va promover una serie d'iniciatives parlamentaries -n'Asturies y en Madrid- que van suponer que la Conseyera asturiana deberá esplicar los conteníos del centru y que nel Parlamentu estatal se garantice la inversión mínima ya comprometía y unos conteníos ambiciosos que-yos den rempuesta nun namás a les demandes de les comarques mineres, sino a les necesidaes de los futuros usuarios. “Entendemos que tal como ta plantegáu eso nun se va cubrir”, puntualizó la diputada.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies