Los diputaos d'IX y de Podemos quedáronse solos esta mañana nel refugu a los trataos internacionales de llibre comerciu que proponía una iniciativa de Podemos con enmiendes de forma d'IX. El PSOE, qu'en delles comunidaes autónomes como Andalucía votó en contra del TTIP, n'Asturies votó a favor tomando como referencia'l votu de los sos parllamentarios europeos.
La Proposición Non de Llei cuntó, por tanto, con 30 votos en contra, los del PSOE, PP, Foru y Ciudadanos, y 14 a favor yá mentaos.
Ovidio Zapico, diputáu d'IX que defendió la iniciativa parlamentaria, repitió la peligrosidá” d'estos trataos pa la ciudadanía xuntu al “oscurantismo alarmante” col que se ta axustando n'Europa, denunciando inclusive qu'a los eurodiputaos que quieren ver los testos prohíbese-yos entrar na sala hasta con un bolígrafu. Zapico alvirtió de que la firma del TTIP va abrir la puerta al fracking, al usu de los trexénicos, a les deslocalizaciones, o a la regresión nos derechos llaboral y social, ente otres cuestiones.
El TTIP va suponer una dictadura totalitaria del mercáu qu'escuende propuestes aparentemente económiques, cuando son polítiques y neoconservadores que riolen percima del estáu de bienestar, axustaes de forma oscurantista, tal como espliquen dende la Plataforma Non a los trataos TTIP. Los trataos suponen un tresvase de la democracia política a les multinacionales, representa una amenaza al empléu, rebaxa normatives llaborales; suprime los convenios colectivos, propón la desregularización alimentaria y la desregularización ambiental, pon en peligru la privacidá y facilita a les empreses accesu a la información que ye quitada con fines comerciales.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies