Ovidio Zapico, diputáu d'IX encargáu d'asuntos medioambientales na Xunta Xeneral, rexistró una iniciativa pa que'l Gobiernu estableza un plan de erradicación de los plumeros de la pampa qu'invaden numberosos llugares d'Asturies, sobremanera aquelles zones onde se realizaron infraestructures y movimientos de tierra apocayá.
El diputáu solicita ellaborar de manera inmediata y, sía que non antes de rematar el presente periodu de sesiones, una estratexa d'erradicación de la especie invasora “Cortaderia selloana” de tolos terrenes y les infraestructures que dependan de la Comunidá Autónoma y a establecer un alcuerdu de collaboración col Estáu pa llograr esi mesmu oxetivu naquellos otros dependientes de l'Alministración Central.
La estensión de la planta, “Cortaderia selloana”, tamién conocida como “el plumeru de la pampa” especie invasora qu'abondó nos últimos años, ta directamente amestada coles infraestructures sobremanera coles carreteres polo que se fixo más visible la so presencia. El plumeru presenta un calter invasor y la so presencia representa un riesgu potencial pal caltenimientu de zones naturales. El problema específicu causáu por estes plantes ye l'amenorgamientu de la diversidá biolóxica (hábitats y especies) al traviés de la esclusión de la vexetación nativa: colonicen hábitats abiertos estableciéndose como especie dominante. En terrenes que sufrieron cambeos d'usu del suelu, la colonización por estes especies provoca'l desplazamientu de les autóctones cola consecuente perda de biodiversidá.
El diputáu d'IX considera imprescindible ponese yá manes a la obra na erradicación d'esta especie invasor y resistente cuidando que, a güeyu, toos podemos reparar como día ente día crez n'estensión na nuesa comunidá autónoma.
Paez evidente que, cuidando que les infraestructures y el so caltenimientu correspuenden a distintes alministraciones públiques dependiendo de la so titularidá, les midíes qu'han de tomase, conforme a lo establecío nel Real Decreto 630/2013, de 2 d'agostu, pol que se regula'l Catálogu Español d'especies exótiques invasores, correspuenden a les alministraciones competentes y, polo tanto faise necesariu establecer mecanismos de collaboración ente siquier, los distintos organismos concerníos de l'Alministración del Estáu y la del Principáu d'Asturies pa encarar la eliminación d'esta especie.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies