Menu

El coordinador xeneral d'IX y candidatu d'Unidá Popular reivindica un modelu que respete un mínimu vital, como defenden la ONU y la Eurocámara

IX va llevar a la Xunta Xeneral del Principáu una proposición non de llei pa favorecer la xestión pública de los servicios d'agua, apostando por procesos de remunicipalización o por aciu l'impulsu y desenvolvimientu d'una xestión pública al traviés d'un consorciu, incorporando amás a CADASA a l'Asociación Española d'Operadores Públicos de Suministru y Saneamientu. Tratase d'una iniciativa na que se considera l'accesu a l'agua como un derechu humanu, polo que se preven mecanismos pa garantizar un mínimu vital, evitando d'esta forma les cortes del suministru cuando la familia nun tenga capacidá p'asumir el so costu.

El coordinador xeneral d'IX l'Asturies y candidatu d'unidá popular al congresu de los diputaos, Manuel Gonzalez Orviz, xustificó la iniciativa tantu dende la perspectiva de la meyora na xestión del serviciu al traviés de modelos públicos como pa dar respuesta a los planteamientos que yá en 2010 impulsó la ONU considerando l'agua como un derechu humanu fundamental, o más tarde nel Parlamentu Européu al traviés de la iniciativa ciudadana Right2Water que tamién reconoz el derechu a l'agua de les persones.

Gonzalez Orviz defendió'l calter públicu del serviciu d'agua, daqué que. recordó, IX defendió históricamente.

Na presentación de la iniciativa, realizada esta mañana nel Conceyu d'Avilés, el voceru municipal d'IX nesi conseyu, Alejandro Cueli, reivindicó l'impulsu de midíes que dexen remunicipalizar servicios privatizaos  coles mires d'ameyorar la eficiencia y l'eficacia na so prestación. Cueli recordó que nos últimos años fueron munches ciudaes nel mundu les que tres procesos privatizadores recuperaron los sos servicios de l'agua, ente elles la ciudá de París que nel so primer añu de remunicipalización amenorgó'l costu del recibu pa la ciudadanía nun 8%, de la que xeneró unos beneficios pa la ciudá de 35 millones d'euros.

A la presentación d'esta proposición non de llei asistió tamién el diputáu autonómicu de IX Ovidio Zapico quien aprofió que l'agua nun tien de tratase como un bien comercial. Otra manera, tal que se recueye na PNL, apostar por una xestión del suministru de l'agua empuesta por criterios de equidad social, principios d'igualdá, non discriminación y xusticia social.

La proposición, señaló Zapico, conlleva xuntase al Pactu Social pel Agua, el refugu espresu de la xunta xeneral del principáu a los procesos de privatización de l'agua n'Asturies y tamién los denominaos cánones concesionales por constituyir un modelu más gravoso pal ciudadanu y media mentalmente y sostenible.

Esta PNL presentase nun momentu onde apaecen nuevos detalles escabrosos sobre la rede de corrupción amestada a procesos de privatización, sicasí, y a pesar de que la iniciativa erradicaría tales casos al volver convertir los servicios públicos, tratar d'una propuesta que yá se llevaba estudiando al considerar que'l suministru de l'agua nun puede ser oxetu de negociu.