L'alcuerdu foi robláu pola anterior conseyería de Bienestar y Vivienda y nun foi aceptáu por nenguna familia
Marta Pulgar, diputada d'IX na Xunta Xeneral, constata l'absolutu fracasu de los convenios suscritos coles entidaes bancaries p'atender les situaciones de necesidá de vivienda per parte de l'antigua conseyería de Bienestar y de Vivienda, na anterior llexislatura. La diputada d'IX llega a esta conclusión en llogrando los datos per parte de la conseyera de Derechos y Servicios Sociales, Pilar Varela, quien reveló nel plenu que nenguna de les 47 families que precisaben una vivienda optaron polos pisos que punxeron a disposición los trés entidaes que roblaron esti conveniu cola conseyería (Liberbank, Caxa Rural d'Asturies y Caxa Rural de Xixón).. Nenguna d'elles quixo roblar un contratu d'arriendu coles entidaes qu'executaren la hipoteca de la so vivienda.
Marta Pulgar recordó qu'IX foi bien crítica con esta midida nel so momentu, yá que la consideraba más efectista qu'efectiva y que, por desgracia, “el tiempu dionos la razón”. Naide utilizó una vivienda d'esti conveniu que se demostró absolutamente ineficaz, “un fracasu absolutu” n'Asturies, ente otres razones por falta d'impulsu políticu. Nesti sentíu pidió una evaluación d'esta midida y sacala de la planificación de la conseyería y optar pol Plan de Garantía Habitacional que propón l'alcuerdu de investidura robláu por IX cola FSA. “Reclamámos que pongan en marcha esti plan y definan les sos midíes cuanto antes, midíes efectives y non efectistas”, dixo la diputada.
La conseyera Pilar Varela reconoció qu'esta midida –el conveniu colos bancos- nun funciona tal que se diseñó pero, sicasí, les 47 families llograron respuesta per parte del Principáu con otros preseos públicos. 27 d'elles beneficiáronse d'ayudes al arriendu, 8 fueron axudicatarios de viviendes sociales, 6 de viviendes d'urxencia, 2 d'emerxencia, 2 de Vipasa y 2 del fondu social de viviendes estatal. “Hubo un conxuntu de recursos que les families valoraron más interesantes que'l conveniu coles entidaes bancaries", aportunó Varela.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies