Menu

IX va defender una interpelación sobre la contaminación n'Avilés, una entruga sobre les midíes que va impulsar el gobiernu en memoria democrática y la Propuesta de Proposición de Llei de universalización de l'asistencia sanitaria pública

Tratase d'una interpelación al Conseyu de gobiernu sobre política en materia medioambiental y, más en concretu, sobre prevención de la contaminación na cuenca d'Avilés ante la esmolición que tán causando na ciudadanía les noticies publicaes sobre la medría de los valores máximos dexaos de contaminación atmosférica n'Avilés y la so redolada y la so posible repercusión na so salú y bienestar.

Una entruga sobre qué midíes piensa tomar el Gobiernu pa impulsar la memoria democrática na nuesa comunidá autónoma, pola indignación creada tantu ente la ciudadanía polo xeneral pola ausencia de polítiques de restitución y dignificación de les victimas d'esa represión.

Na sesión del vienres, IX va defender una Propuesta de Proposición de Llei del artículu 87.2 de la Constitución de Universalización del derechu a l'asistencia sanitaria pública, reestableciendo en tola so plenitú l'ámbitu suxetivu xeneral del derechu a la protección de la salú que foi fondamente alteriáu por aciu el Real Decreto llei 16/2012.